Azərbaycan Respublikası Maliyyə Nazirliyinin www.maliyye.gov.az domen adlı İnternet saytının monitorinqi www.customs.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Maliyyə Nazirliyinin www.maliyye.gov.az domen ünvanlı İnternet resursunun monitorinqi zamanı aşkar etdiyimiz mənzərə onu göstərir ki, sayt hələ də “İnformasiya əldə etmək haqqında” qanunun tələblərinə cavab vermir. Yəni bu resursda bir sıra bilgilər olsa da onun tam və dolğun olması barədə danışmaq olmaz. Bu isə o deməkdir ki, nazirliyin saytı təkmilləşdirilməli, onun üzərində ciddi iş aparılmalıdır. Ona görə də biz aşağıda bəzi tövsiyələrimizi bildiririk:

1. Saytda nazirliyin ünvanının marşrut və sxeminin göstərilməsi məqsədəuyğun olardı.

2. Daha bir məqsədəuyğunluq nazirliyə gələ bilmək üçün ziyarətçilərə şəhərin müxtəlif istiqamətlərindən ictimai nəqliyyat vasitələri barədə bilgilərlə bağlıdır. Belə bilginin olması insanların gəlişini rahatlaşdırmaq üçün zəruridir.

3. Struktur bölmələrinin ünvanları və onların səlahiyyət çərçivələrinin də göstərilməsi zəruridir.

4. Struktur bölmələri rəhbərlərinin biografik bilgilərini də sayta əlavə etmək lazımdır.

5. Nazirliyin həyata keçirdiyi proqram və laiyhələrlə bağlı bilgi çatışmazlığını aradan qaldırmaq işin xeyrinə olardı.

6. Ümumi dövlət büdcəsinin nazirliyə aid hissəsi ilə bağlı bilgi yoxluğunu aradan qaldırmaq da işin faydasına olardı.

7. Qurum tərəfindən təklif edilən xidmətlər və onların çeşidlənməsi də zəruri tələblər sırasındadır.

8. İşə qəbul qaydaları və bununla bağlı hər cürə informasiyanı saytda əlavə etmək mütləq tələblərdəndir.

9. Sahə işçilərinin əmək haqları ilə bağlı bilgilər də ziyarətçilərin marağına səbəb olmaqla bərabər ciddi tələbatlardandır.

10. Vətəndaşların qəbul qaydaları və qəbul vaxtları ilə bağlı bilgilərin yoxluğunun aradan qaldırılması elə də çətin bir iş olmasın gərək.

11. Tender və müsabiqələrin keçirilməsi ilə bağlı qaydalar, həmçinin belə əməliyyatların nəticələri haqqında bilgi də vermək lazımdır.

12. Qurumun norma- (qanun)yaratma fəaliyyəti barədə heç bir informasiyanın olmaması daha bir ciddi qüsurdur.

13. Saytın texniki imkanları elə də zəif sayılmasa da orada abunə və əks əlaqə üçün onlayn formanın yoxluğu heç də ürəkaçan sayıla bilməz.