Azərbaycan Respublikası Gənclər və İdman Nazirliyinin www.mys.gov.az domen adlı İnternet saytının monitorinqinin nəticələri /İCMAl/

Azərbaycan Respublikası Gənclər və İdman Nazirliyinin www.mys.gov.az dpmen ünvanlı İnternet resursu heç də zəngin saytlar sırasına daxil edilə bilməz. Halbuki gənclik və idman məsələləri hər zaman hər kəsin diqqətini cəlb etdiyindən bu sayta müraciətlərin də çox olacağı şübhəsizdir. Di gəl ki, saytda elə də çox material tapmaq mümkün deyildir. Yəni ziyarətçilər çox zaman buradan əliboş qayıtmalı olurlar. Beləliklə, nazirliyin saytında gördüklərimizi aşağıda təqdim edirik:

1. Nazirliyin qurulduğu gündən ona başçılıq etmiş şəxs barədə saytda bilgi yoxdur. Yerdə qalan informasiyalar isə yetərli sayıla bilər.

2. Ziyarətçilərin əks əlaqəsi üçün də imkanlar yetərincə deyil. Misal üçün, ayrı-ayrı xidmət və altbölümlərin telefon nömrələri verilməyib. Bundan başqa qurumun ünavnının marşrut və sxemi də nəzərə çarpmır.

3. Nazirliyin struktur sxemi, eləcə də struktur bölmələri barədə də bilgi verilmir.

4. Nazirdən başqa rəhbər işçilərin heç biri haqqında biografik bilgilərin verilməməsi, üstəlik onlarla əks əlaqə imkanlarının göstərilməməsi də çatışmazlıqlar sırasındadır.

5. Qurumun cari fəaliyyəti barədə bilgiləri yetərli saymaq olar. Ancaq qurumdaxili əmr və sərəncamlar haqqında heç bir bilgi yoxdur.

6. Ümumi dövlət büdcəsinin rəqəmlə ifadəsi və onun sahəyə aid hissəsi barədə də heç bir bilgi verilmir.

7. Nazirlik tərəfindən təklif edilən xidmətlər barədə hər hansı informasiya gözə dəymir.

8. İşə qəbul qaydaları və boş iş yerləri haqqında bilgilər də yetərli deyil. Yalnız bir iş elanından başqa bir şey yoxdur.

9. Sahə işçilərinin əmək haqları barədə hər hansı informasiya verilmir.

10. Vətəndaşların qəbul qaydaları və qəbul günləri haqqında da heç nə deyilmir.

11. Tender və müsabiqələrin keçirilməsi qaydaları, bununla bağlı elanlar da çatışmayan bilgilər sırasındadır.

12. Qurumun norma- (qanun)yaratma fəaliyyəti ilə bağlı bilgi axtaranların da saytdan əliboş qayıdacağı şübhəsizdir.

13. Saytın texniki imkanlarına gəlincə isə demək lazımdır ki, bu sahə aşağı səviyyədədir.