Azərbaycan Respublikası Mərkəzi Bankının www.nba.az domen ünvanlı İnternet resursunun monitorinqinin nəticələri /İCMAL/

Azərbaycan Respublikası Mərkəzi Bankının www.nba.az domen ünvanlı İnternet resursu bir sıra göstəricilərinə görə yaxşı təsir bağışlasa da saytda xeyli çatışmazlıq var. Yəni burada bizim axtardığımız 13 bölmə üzrə parametrlərin hamısına cavab verəcək informasiya yoxdur. Sayt bir qədər yarımçıq resurs təsiri bağışlayır. Aşağıda saytda gördüklərimizi təqdim etmək istərdik:

1. Qurumun əvvəlki başçıları haqqında informasiya verilməsə də bu kategoriya üzrə yerdə qalan bölmələr dolğun hesab edilə bilər.

2. Ziyarətçilərin əks əlaqəsi üçün telefon və faks nömrələri, həmçinin onlayn yazışma forması verildiyi halda saytda bir dənə də olsun e-poçt ünvanı verilmir.

3. Qurumun ünvanının marşrut və sxemi, eləcə də bura gəlmək üçün ictimai nəqliyyat vasitələri barədə bilgi yoxdur.

4. Strukturun sxemi təqdim edilir. Ancaq onun ayrıntıları yoxdur. Eyni zamanda onların ünvanları və səlahiyyət çərçivələri haqqında bilgi yoxdur.

5. E-poçt ünvanlarının olmadığını nəzərə almasaq qurumla əks əlaqə üçün ümumi imkanlar yaxşı dəyərləndirilə bilər.

6. Bankın cari fəaliyyəti barədə bilgilər yetərlidir. Bununla belə qurumdaxili əmr və sərəncamlar haqda bilgi yoxdur.

7. Ümumi dövlət büdcəsinin rəqəmlə ifadəsi və onun quruma aid hissəsi barədə də heç bir bilgi verilmir.

8. Qurum tərəfindən təklif edilən xidmətlər barədə informasiya da yoxdur.

9. İşə qəbulla bağlı elanlar verildiyi halda işə qəbulun qaydaları barədə heç nə deyilmir.

10. Sahə işçilərinin əmək haqları barədə bilgilər də yoxdur.

11. Başqa bir çatışmazlıq vətəndaşların qəbulu ilə bağlıdır. Bu haqda bilgi olsa da köhnədir və faktiki olaraq yox saymaq olar.

12. Tender və müsabiqələr barədə elanların verilməsi özlüyündə müsbət hal olsa da onların nəticələri barədə bilgi verilməməsi düzgün deyil.

13. Qurumun norma- (qanun)yaratma fəaliyyəti barədə də bilgi verilmir.

14. Saytın texniki tərəflərinə gəlincə qeyd etməliyik ki, bu sahədə ən ciddi çatışmazlıq hər hansı abunə və e-poçt xidmətinin təklif edilməməsidir.