Qiymətli Kağızlar üzrə Dövlət Komitəsinin www.scs.gov.az domen adlı İnternet saytının fəaliyətinin təkmilləşdirilməsi ilə bağlı TÖVSİYYƏLƏR

Azərbaycan Respublikası Qiymətli Kağızlar üzrə Dövlət Komitəsinin www.scs.gov.az domen adlı İnternet resursu ilə bağlı gəldiyimiz qənaət heç də ürəkaçan sayıla bilməz. Sayt olduqca kasad bir resurs təsiri bağışlayır. Burada bir çox informasiyalar çatışmır. Olanlar da tam dolğun sayıla bilməz. Bununla belə vəziyyət heç də çıxılmaz deyil. Ona görə də saytın təkmilləşdirilməsi ilə bağlı bəzi tövsiyələrimizi qeyd etmək istərdik:

1. Quruma daha əvvəl də başçılıq etmiş şəxslər barədə saytda bilgi verilməsi vacibdir.

2. Ziyarətçilərin istəklərini təmin etmək üçün qurumun ünvanının marşrut və sxemini, həmçinin bura gəlmək üçün ictimai nəqliyyatla bağlı bilgiləri sayta əlavə etmək işin xeyrinə olardı.

3. Qurumun strukturunun daha ayrıntılı bir şəkildə təqdim edilməsinə ehtiyac var.

4. Rəhbər işçilərin hamısı haqqında biografik bilgilərin əlavə edilməsi də işin xeyrinə olardı.

5. Qurumun cari fəaliyyəti barədə bilgilərdə qurumdaxili əmr və sərəncamların da əks olunması gərəklidir.

6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntılarını əlavə etmək lazımdır.

7. Qurumun təklif etdiyi xidmətlər barədə ayrıntılı bilgilər vermək işin vacib cəhətlərindəndir.

8. İşə qəbul qaydaları və boş iş yerləri haqqında heç bir bilgi verilməməsi ciddi qüsurlardan sayıla bilər.

9. Sahə işçilərinin əmək haqları ilə bağlı bilgilərin verilməsi də işin faydası üçün vacibdir.

10. Vətəndaşların qəbulu ilə bağlı informasiya yoxluğunu aradan qaldırıb bu barədə ayrıntılı bilgi vermək lazımdır.

11. Tender və müsabiqələr barədə də bilgi verilməsi vacibdir.

12. Qurumun norma- (qanun)yaratma fəaliyyəti barədə daha dolğun və interaktiv imkan təklif edilməlidir.

13. Saytın texniki imkanlarını daha da yüksəltmək üçün buraya abunə və onlayn yazışma forması əlavə edilməsi çox vacibdir.