Azərbaycan Respublikası Auditorlar Palatasının www.audit.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Auditorlar Palatasının www.audit.gov.az domen ünvanlı İnternet resursu, icmaldan da göründüyü kimi bir sıra dolğun informasiyalar təklif etməklə bərabər çatışmazlıqlardan da xali deyil. Burada bir çox zəruri bilgilər çatışmır ki, onların təmin edilməsi ilə bağlı aşağıda tövsiyələrimizi təklif edəcəyik:

1. Qurumun özü ilə bağlı informasiya bölməsində ona daha əvvəllər başçılıq etmiş şəxslər barədə də bilgi verilməsi zəruridir.

2. Ziyarətçilərin əks əlaqəsini daha da asanlaşdırmaq üçün saytda qurumun marşrutu və sxemi, həmçinin buraya gəlmək üçün ictimai nəqliyyat vasitələri barədə bilgi vermək lazımdır.

3. Qurumun strukturu ilə bağlı bölmədə struktur bölmələrinin səlahiyyət çərçivələri haqqında da bilgi verilməlidir.

4. Struktur bölmələrinin rəhbərləri haqqında biografik bilgiləri sayta əlavə etmək zəruridir.

5. Palatanın cari fəaliyyəti haqqında informasiya bölümündə qurumdaxili əmr və sərəncamlar haqqında ayrıca bilgilərin verilməsi məqsədəuyğundur.

6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntıları saytda mütləq əks olunmalıdır. Eyni zamanda büdcənin icra durumu ilə bağlı mütəmadi informasiya verilməlidir.

7. Qurum tərəfindən təklif edilən xidmətlər barədə informasiyaların daha ayrıntılı şəkildə təqdim edilməsi gərəklidir.

8. İşə qəbul qaydaları və boş iş yerləri haqqında da mütəmadi informasiya verilməlidir.

9. Sahə işçilərinin əmək haqları barədə bilgilərin verilməsi zəruridir.

10. Vətəndaşların qəbul vaxtları ilə bağlı informasiya verilməsi yetərli sayıla bilməz. Burada həm də qəbul qaydaları və qəbuldan imtinanın əsasları haqqında bilgi verilməlidir.

11. Tender və müsabiqələr haqqında bilgilər də tələb olunanlar sırasındadır.

12. Qurumun norma- (qanun)yaratma fəaliyyəti ilə bağlı bilgilərin verilməsi məqsədəuyğundur.

13. Saytın texniki imkanlarına abunə də əlavə edilməsi vacibdir.