Azərbaycan Respublikası Auditorlar Palatasının www.audit.gov.az domen adlı İnternet saytının monitorinqinin nəticələri /İCMAL/

Azərbaycan Respublikası Auditorlar Palatasının www.audit.gov.az domen ünvanlı İnternet resursunda bir sıra diqqətçəkən informasiyalar olsa da, orada xeyli çatışmazığın olduğu da gözdən qaçmır. Sayt texniki baxımdan zəif deyil. Ancaq bir çox saytlarda olduğu kimi burada da abunə imkanının təklif edilmədiyi göz önündədir. Başqa çatışmazlıqlar barədə də aşağıda maddə-maddə fikirlərimizi açıqlayacayıq:

1. Qurumun özü ilə bağlı informasiyalar dolğun olsa da burada ona daha əvvəl başçılıq etmiş şəxslər barədə bilgi verilmir.

2. Ziyarətçilərin əks əlaqəsi üçün imkanlar yetərincədir. Bununla belə qurumun yerləşdiyi ünvanın marşrut və sxemi, həmçinin ora gəlmək üçün ictimai nəqliyyat vasitələri barədə bilgi yoxdur.

3. Palatanın strukturu barədə də yetərincə bilgi var. Ancaq struktur vahidlərinin səlahiyyət çəırçivələri haqqında ayrıntılı bilgiyə rast gəlinmir.

4. Mümkün struktur vahidlərinin rəhbərləri haqqında biografik bilgilər də saytda gözə dəymir.

5. Qurumun cari fəaliyyəti ilə bağlı informasiya bölməsində qurumdaxili əmr və sərəncamlar gözə dəymir.

6. Ümumi dövlət büdcəsinin rəqəmlə ifadəsi və onun quruma aid hissəsi barədə də hər hansı bilgininin verilməməsi ciddi çatışmazlıq sayıla bilər.

7. Palata tərəfindən təklif edilən xidmətlər bölməsinin daha ayrıntılı şəkildə təqdim edilməsi zəruridir.

8. İşə qəbul qaydaları və boş iş yerləri haqqında hər hansı bilgi verilmir.

9. Sahə işçilərinin əmək haqları barədə də heç bir bilgiyə rast gəlinmir.

10. Vətəndaşların qəbulu ilə bağlı hissədə daha ayrıntılı bilgilər, yəni qəbul qaydaları və qəbuldan imtinanın əsasları gözə dəymir.

11. Tender və müsabiqələr bölməsi də boşdur.

12. Eyni hal qurumun norma- (qanun)yaratma fəaliyyəti ilə bağlı da müşahidə edilir.

13. Yuxarıda da qeyd etdiyimiz kimi saytın texniki imkanları pis deyil. Ancaq burada abunə təklifi nəzərə çarpmır.