Multimedia İnformasiya Sistemləri və Texnologiyaları Mərkəzinin Məlumatı

06.06.2009
Multimedia
İnformasiya Sistemləri və Texnologiyaları Mərkəzinin
Məlumatı

Multimedia Mərkəzi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Dövlət  satınalmalarında informasiya açıqlığı və  şəffaflığın təmin edilməsi üçün informasiya texnologiyalından  səmərəli və effektiv istifadə mexanizmləri hazırlamaq ” Layihəsi  həyata keçirilməyə  başlanıb.

Layihənin məqsədi dövlət satınalmaları prosesində yeni  texnologiyalardan istifadəyə əsaslanan effektiv  mexanizmlər  hazırlamaq, Dövlət satınalmaları üzərində vətəndaş cəmiyyətinin nəzarəti üçün normal  şərait yaratmaq və bu nəzarətin gerçəkləşdirməkdən ibarətdir.

Layihə çərçivəsində  dövlət  satınalmaları ilə  bağlı informasiyaların  aidiyyatı qurumların saytında  yerləşdirilməsi  vəziyyətinin Monitorinqi  aparılacaq, “Dövlət satınalmalarında şəffaflıq və informasiya açıqlığı” mövzusunda ictimai diskussiyalar təşkil olunacaq,  müvafiq qanunvericiliyin təkmilləşdirilməsi istiqamətində Təkliflər hazırlamaq  nəzərdə tutulub.

Dövlət qurumları tərəfindən Elektron satınalmalarla bağlı Materialların www.informasiya.org  resursunda  yerləşdirilməsi  nəzərdə tutulub .

Daha  geniş məlumat www.informasiya.org   saytında yerləşdirilib.

Multimedia Mərkəzi
Tel: 492 44 44 
www.cit.az
www.informasiya.org 
info@informasiya.org