Azərbaycan Respublikası Mədəniyyət və Turizm Nazirliyinin www.mct.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

posted by

Azərbaycan Respublikası Mədəniyyət və Turizm Nazirliyinin www.mct.gov.az domen ünvanlı İnternet resursu, icmalda da qeyd etdiyimiz kimi, digər dövlət orqanlarının saytları kimi yarımçıqdır. Saytda toplanan informasiyalara giriş də süni bir əngəllə müşayiət edilir. Bununla belə saytın təkmilləşdirilmə imkanları da yox deyil. Ona görə də aşağıda bu istiqamətdə bəzi tövsiyələrimizi diqqətə çatdırmaq istərdik:

1. Nazirliyin özü barədə bilgilər quruma daha öncə başçılıq etmiş şəxslər barədə də informasiya verilməsinə gərək var.

2. Ziyarətçilərin əks əlaqəsi üçün təklif edilən imkanları bir qədər genişləndirib buraya qurumun ünvanını, ayrı-ayrı e-poçt ünvanları, telefon və faks nömrələrini əlavə etmək lazımdır.

3. Qurumun strukturunu sxematik şəkildə də təqdim etmək lazımdır. Üstəlik struktur bölmələrinin ünvanları və səlahiyyət çərçivələri haqqında bilgi verilməsi işin xeyrinə olardı.

4. Qurumun struktur bölmələrinin rəhbərləri barədə biografik bilgiləri də sayta əlavə etmək lazımdır.

5. Qurumun cari fəaliyyətini daha operativ əhatə etmək lazımdır. Üstəlik qurumdaxili əmr və sərəncamlar haqqında da bilgi verilməlidir. Bundan başqa qurumun icra etdiyi proqram və layihələri də əks etdirmək vacibdir.

6. Ümumi dövlət büdcəsinin rəqəmlə ifadəsi və onun quruma aid hissəsinin ayrıntılarını sayta əlavə etmək lazımdır.

7. Qurum tərəfindən təklif edilən xidmətlər barədə daha geniş və ayrıntılı bilgi vermək lazımdır.

8. Boş iş yerləri və işə qəbul haqqında bilgi yoxluğunu aradan qaldırmaq lazımdır.

9. Eyni təklif sahə işçilərinin əmək haqları ilə bağlı bölməyə də aiddir.

10. Vətəndaşların qəbulu ilə bağlı bilgiləri genişləndirmək və daha ayrıntılı bir şəkildə vermək lazımdır.

11. Qurumun həyata keçirdiyi tender və müsabiqələr haqqında bilgi verilməlidir.

12. Qurumun norma- (qanun)yaratma fəaliyyətini də saytda əks etdirmək lazımdır.

13. Saytın texniki imkanlarını diqqətlə nəzərdən keçirib ortaya çıxan əngəlləri kənarlaşdırmaq və buraya abunə təklifi də əlavə etmək işin faydasına olardı.