Azərbaycan Respublikası Satınalmalar üzrə Dövlət Agentliyinin www.tender.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Satınalmalar üzrə Dövlət Agentliyinin www.tender.gov.az domen ünvanlı İnternet resursu, icmalda da qeyd etdiyimiz kimi, zəngin bir resursa bənzəmir. Saytda bir çox bilgilər çatışmır. Təqdim olunan bilgilər isə bəzən çox cüzi, və ya yarımçıqdır. Bununla belə saytın təkmilləşdirilmə imkanları da yox deyil. Onu nəzərə alaraq resursun təkmilləşdirilməsi ilə bağlı aşağıda bəzi tövsiyələrimizi təqdim edirik:

1. Qurumun özü haqqında bilgilər sırasına ona daha öncə başçılıq etmiş şəxslər barədə də bilgi əlavə etməyə gərək var.

2. Ziyarətçilərin əks əlaqəsini daha da uyğun bir hala gətirmək baxımından qurumun marşrut və sxemi barədə də bilgi verilməsi yaxşı olardı. Üstəlik, telefon və faks nömrələri, e-poçt ünvanları baxımından da saytı zənginləşdirmək lazımdır.

3. Qurumun strukturu haqqında bilgiləri bir qədər də zəngin şəkildə təqdim etməyə gərək var. Ondan başqa struktur bölmələrinin səlahiyyət çərçivələri və dəqiq ünvanları haqqında da bilgi verilməlidir.

4. Əsas rəhbər də daxil olmaqla rəhbər işçilər haqqında biografik bilgiləri sayta əlavə etmək lazımdır. Buraya onlarla birbaşa əks əlaqə imkanları da əlavə edilməlidir.

5. Qurumun cari fəaliyyətini geniş və operativ şəkildə işıqlandırmaq lazımdır. Əlavə olaraq qurumun icra etdiyi proqram və layihələr barədə də bilgi verilməlidir.

6. Ümumi dövlət büdcəsinin rəqəmlə ifadəsi və onun dövlət qurumuna aid hissəsinin ayrıntıları haqqında daha geniş bilgi verilməlidir. Əlavə olaraq büdcənin icra durumu, dəyişikliklər barədə də bilgi vermək lazımdır.

7. Qurum tərəfindən təklif edilən xidmətlər barədə daha geniş bilgi verilməlidir.

8. Boş iş yerləri və işə qəbul qaydaları haqqında da bilgi vermək lazımdır.

9. Sahə işçilərinin əmək haqları ilə bağlı durum haqqında da eyni fikri demək olar.

10. Vətəndaşların qəbulu ilə bağlı bilgiləri daha ayrıntılı şəkildə təqdim etmək lazımdır.

11. Saytda qurumun özünə aid olan tender bilgilərini ayrıca təqdim etmək lazımdır.

12. Qurumun norma- (qanun)yaratma fəaliyyəti barədə də bilgi vermək lazımdır.

13. Saytın texniki imkanları sırasına abunə və onlayn yazışma forması da əlavə edilməlidir.