Azərbaycan Respublikası Xarici İşlər Nazirliyinin www.mfa.gov.az domen adlı İnternet saytının monitorinqinin yekunu /İCMAL/

Azərbaycan Respublikasının vacib dövlət struktur vahidlərindən biri olan Xarici İşlər Nazirliyinin www.mfa.gov.az domen ünvanlı İnternet resursunda öncəki müşahidələrimizlə müqayisədə bir xeyli dəyişiklik nəzərə çarpır. Bununla belə saytın tam dolğun olduğunu deyə bilməmiz üçün hələ çox iş görülməsinə gərək duyulmaqdadır. Saytda əsas göstəricilər üzrə informasiyaların demək olar ki, böyük əksəriyyəti gözə dəymir. Bununla belə ümumi hesablar gərək olan minimum bilgiləri tapmaq mümkündür. Beləliklə, aşağıda bölmələr üzrə saytın informasiya yükü haqqında müşahidələrimizi təqdim edirik:

1. Qurum haqqında bilgilər yetərli həddədir.

2. Ziyarətçilərin əks əlaqəsi üçün vasitələr təqdim edilib. Lakin qurumun ünvanının marşrut və sxemi, həmçinin ora gəlmək üçün ictimai nəqliyyat vasitələri barədə bilgi yoxdur.

3. Qurumun strukturu haqqında bilgilər verilib. Ancaq bu bilgilər də yarımçıqdır. Ondan başqa struktur bölmələri ilə əlaqə saxlamaq üçün ayrıca bilgilər yoxdur

4. Rəhbərliyə daxil olan bütün şəxslər haqqında biografik bilgilər var. Ancaq struktur bölmələrinin başçıları haqqında heç bir bilgi yoxdur. Həm də nazir və onun müavinləri ilə əks əlaqə üçün imkanlar göstərilmir.

5. Qurumun cari fəaliyyəti haqqında bilgilər verilsə də bunları yetərli hesab etmək olmaz. Çünki bu qurum gündəlik fəaliyyət göstərən dövlət struktur vahidi olsa da saytda yayımlanan xəbərlər arasında günlərlə, bəzən də həftələrlə ölçülə biləcək fərqlər var.

6. Ümumi dövlət büdcəsi ilə bağlı hər hansı bilgi yoxdur.

7. Qurum tərəfindən təklif edilən xidmətlər sırasında xüsusi olaraq viza xidmətlərini qeyd etmək olar ki, istənilən şəxs nazirliyin bu xidmətləri haqqında lazım olan bütün bilgiləri ala biləcək.

8. Boş iş yerləri və işə qəbul qaydaları haqqında ümumi və yetərli şəkildə məlumat təqdim edilir. Lakin işə qəbulla bağlı başqa gərəkli bilgilər və boş iş yerləri haqqında isə ümumiyyətlə heç bir bilgi yoxdur.

9. Sahə işçilərinin əmək haqları ilə bağlı da heç bir məlumat verilmir.

10. Vətəndaşların qəbulu ilə bağlı ümumi xarakterli qəbul günləri və saatları haqqında bilgi verilsədə bu yetərli sayıla bilməz.

11. Tender və yarışmalar haqqında hər hansı bilgi verilmir.

12. Qurumun norma- (qanun)yaratma fəaliyyəti də saytda əks olunmur.

13. Saytın texniki imkanları yetərli olsa da abunə və onların müraciət imkanları təklif edilmir.