Azərbaycan Respublikası Maliyyə Nazirliyinin www.maliyye.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Maliyyə Nazirliyinin www.maliyye.gov.az domen ünvanındakı İnternet resursunun işini təkmilləşdirmək üçün olduqca çox tövsiyəyə gərək var deyəsən. Məsələ ondadır ki, saytda çağdaş imkanlardan elə də çox istifadə edilmir. Bir çox sənədlər isə PDF formatında təklif edilir. Halbuki onlar adi mətn kimi də sayta daxil edilə bilərdi. Ümumi mənzərə bundan ibarətdir ki, saytın işini ciddi şəkildə təkmilləşdirmək lazımdır. Aşağıda hər bölmə üzrə təkliflərimizi təqdim edirik.

1. Yaxşı olardı ki, qurumun tarixi haqqında geniş məlumat verilsin. Həm də quruma bu vaxtadək başçılıq etmiş şəxslər haqqında bioqrafik məlumatları saytda təqdim etmək gərəklidir.

2. Ziyarətçilərin əks əlaqəsini daha da uyğun bir hala gətirmək baxımından qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında məlumatların saytda yer alması yaxşı olardı.

3. Qurumun strukturunun sxemini təqdim etmək həm də, struktur bölmələrinin yerləşdiyi ünvan və onların səlahiyyət çərçivələri haqqında ayrıca məlumatın verilməsi zəruridir.

4. Rəhbər və onun müavinləri haqqında yetərli bioqrafik məlumatlar və əks əlaqə üçün e-poçt ünvanları və telefon nömrələri təklif edilir. Ancaq onlayn müraciət formasının da təklif edilməsi yaxşı olardı.

5. Yaxşı olardı ki, qurumun cari fəaliyyəti haqqında məlumatlar daha çevik şəkildə təklif edilsin.

6. Yaxşı olardı ki, ümumi dövlət büdcəsinin quruma aid hissəsi ayrıca təklif edilsin. Həmçinin icra durumu, üstəlik ona edilən dəyişikliklərin də burada öz əksini tapmasın.

7. Qurum tərəfindən təklif edilən xidmətlər haqqında elə də ciddi tövsiyəyə ehtiyac yoxdur.

8. Boş iş yerləri və işə qəbulla bağlı məlumatlar təqdim edilməlidir. Həmçinin işə qəbul qaydaları və boş iş yerləri haqqında bilgilərlə bərabər bütün mümkün boş iş yerləri haqqında elanlar, işə qəbulun nəticələri və mübahisələrin həllinin saytda öz əksini tapması faydalı olardı.

9. Ən azından nazir, onun müavinləri və struktur bölmələrinin rəhbərlərinin əmək haqları barədə məlumat daxil etmək gərəklidir.

10. Vətəndaşların qəbul qaydaları, qəbul günləri və saatları haqqında məlumatların da saytda yerləşdirilməsi zəruridir.

11. Tender və yarışmaların keçirilməsi ilə bağlı elanlar, qaydalar və nəticələri ilə bağlı məlumatların verilməsi faydalı olardı.

12. Qurumun norma- (qanun)yaratma fəaliyyətini ayrıca işıqlandırmaq gərəklidir. Həmçinin yaxşı olardı ki, vətəndaşların qanun layihələrinin müzakirəsində iştirakı üçün imkan təklif edilsin.

13. Saytın texniki imkanlarının normal olduğunu qeyd etməklə bərabər abunə və onlayn müraciət formalarının da əlavə edilməsini tövsiyə edərdirk.