Azərbaycan Respublikası Ekologiya və Təbii Sərvətlər Nazirliyinin www.eco.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Ekologiya və Təbii Sərvətlər Nazirliyinin www.eco.gov.az domen ünvanlı İnternet saytı, icmal hissədə də dediyimiz kimi olduqca zəngin resurs təsiri bağışlayır. Əksər bölmələr üzrə informasiyalar mükəmməldir və onların təkmilləşdirilməsi üçün elə də ciddi zərurət hiss edilmir. Həm də sayt yetərincə funksional hesab edilə bilər. Bununla belə bəzi informasiyalar ya çatışmır, ya da yetərli deyil. Ona görə də aşağıda saytın təkmilləşdirilməsi üçün bəzi tövsiyələrimizi təklif etmək istərdik.

1. Qurumun özü ilə bağlı informasiyalara daha əvvəl quruma başçılıq etmiş şəxslər barədə bilgilərin əlavə edilməsi zəruridir.

2. Ziyarətçilərin əks əlaqəsi üçün bilgilər tam mükəmməl olduğu üçün hər hansı tövsiyəyə gərək yoxdur.

3. Qurumun strukturu ilə bağlı bilgilər də mükəmməl sayıla biləcək həddədir.

4. Rəhbərliyə daxil olan şəxslərdən yalnız nazir və onun müavinləri haqqında bioqrafik bilgilərin verilməsi yetərli deyil. Yaxşı olardı ki, burada həmçinin struktur bölmələrinin rəhbərləri haqqında bilgilər yerləşdirilsin.

5. Qurumun cari fəaliyyəti haqqında da ciddi bir tövsiyə ilə çıxış etməyə gərək yoxdur.

6. Ümumi dövlət büdcəsi ilə bağlı bilgilərin xüsusən cari informasiyaların geniş və ayrıntılı şəkildə təqdim edilməsinə ehtiyac vardır.

7. Qurum tərəfindən təklif edilən xidmətlər haqqında bilgiləri ayrıntılı və anlaşıqlı şəkildə təqdim edilməsi və onlardan istifadə qaydaları, qiymətləri haqqında daha funksional bilgilərin verilməsi zəruridir.

8. İşə qəbul qaydaları və boş iş yerləri haqqında bilgilər, elanların arxivi ilə bərabər işə qəbulun nəticələri, mümkün komissiyalar və mübahisələrin həlli yollarının ayrıca təklif edilməsi gərəklidir.

9. Sahə işçilərinin əmək haqları barədə də ayrıntılı bilgilərin verilməsi tövsiyyə olunandır.

10. Vətəndaşların qəbul qaydaları, şərtləri, qəbuldan imtinanın əsasları, bu yöndə ortaya çıxan mübahisələrin həlli yolları barədə də məlumatların təqdim edilməsinə ehtiyac duyulur.

11. Tender və yarışmaların keçirilməsi ilə bağlı bütün mümkün qayda və elanlar barədə məlumatları əlavə etmək gərəklidir.

12. Qurumun norma- (qanun)yaratma fəaliyyəti haqqında bilgilərin təqdim edilməsi faydalı olardı.

13. Saytın texniki imkanları yüksək səviyyədə olsa da burada abunə imkanının təklif edilməsi də vacibdir.