Azərbaycan Respublikası Ekologiya və Təbii Sərvətlər Nazirliyinin www.eco.gov.az domen adlı İnternet saytının monitorinqinin yekunu /İCMAL/

Azərbaycan Respublikası Ekologiya və Təbii Sərvətlər Nazirliyinin www.eco.gov.az domen adlı İnternet resursu olduqca zəngin sayt təsiri bağışlayır. Burada sahəyə aid çox faydalı və xüsusən də hər kəsə gərəkli ola biləcək informasiyalar toplanıb. Bundan əlavə saytda “İnformasiya əldə etmək haqqında” qanunda nəzərdə tutulan informasiyaların çoxu də əks olunub. Sayt funksionallığı və tərtibatı baxımından da cəlbedicidir və əlverişlidir. Ancaq bəzi sənədlərin .pdf və ya .doc formatında olması ondan istifadəni bir qədər çətinləşdirir. Ümumi rəyimizi ifadə etməli olsaq nazirliyin saytını yaxşılardan biri kimi dəyərləndirmək olar.

1. Qurumun özü ilə bağlı informasiyalar mükəmməl sayıla bilər. Burada yalnız bir informasiya çatışmır ki, o da daha əvvəl quruma başçılıq etmiş şəxslər barədə bilgilərin yoxluğudur.

2. Ziyarətçilərin əks əlaqəsi üçün bütün mümkün vasitələr təklif edilir. Hətta qurumun yerləşdiyi ünvanın sxemi, marşrutu, bura gəlmək üçün ictimai nəqliyyat vasitələri haqqında bilgilər də anlaşıqlı və aydın şəkildə təqdim edilir.

3. Qurumun strukturu həm sxem şəklində, həm da sözlü olaraq təklif edilib. Həmçinin struktur bölmələrinin ünvanları və səlahiyyət çərçivələri haqqında da bilgi verilir.

4. Rəhbərliyə daxil olan şəxslərdən yalnız nazir və onun müavinləri haqqında bioqrafik bilgilər verilir və onlarla əks əlaqə imkanları təklif edilir.

5. Qurumun cari fəaliyyəti olduqca mükəmməl şəkildə işıqlandırılır. Həm də burada quruma aid olan digər gərəkli informasiyalar yer alıb. Girişdə də qeyd etdiyimiz kimi nazirliyin saytı bu baxımdan zəngin resurs təsiri bağışlayır.

6. Ümumi dövlət büdcəsinin quruma aid hissəsi ilə bağlı bilgilər yetərli qədər deyil. Burada 2009-cu ilə aid bəzi bilgilər yer alsa da 2010-cu il üçün heç bir bilgi yoxdur. Həm də həmin bilgilər tam deyil.

7. Qurum tərəfindən təklif edilən xidmətlər haqqında bilgilər də yetərli və tam sayıla bilməz. Burada bir də funksionallıq problemi var.

8. İşə qəbul qaydaları və boş iş yerləri haqqında bilgilər, elanların arxivi təqdim edilir. Ancaq işə qəbulun nəticələri, mümkün komissiyalar və mübahisələrin həlli yolları ayrıca təklif edilmir.

9. Sahə işçilərinin əmək haqları ilə bağlı heз bir məlumat verilmir.

10. Vətəndaşların qəbul qaydaları və şərtləri haqqda bilgilər verilməsə də nazir də daxil olmaqla bütün vəzifəli şəxslərin qəbul günləri və saatları barədə bilgi verilir.

11. Tender və yarışmalar haqqında elanlar və onların arxivi təqdim edilir. Ancaq tender və yarışmaların qaydaları haqqında heç bir məlumat verilmir.

12. Qurumun norma- (qanun)yaratma fəaliyyəti haqqında heç bir bilgi yoxdur.

13. Saytın texniki imkanları yüksək səviyyədədir. Çatışmayan yalnız abunə imkanıdır.