Azərbaycan Respublikası Mədəniyyət və Turizm Nazirliyinin www.mct.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Mədəniyyət və Turizm Nazirliyinin www.mct.gov.az domen adlı İnternet saytında xeyli faydalı bilgi olsa da onu ümumilikdə mükəmməl hesab etmək olmaz. Yəni saytın üzərində bir dönəm ərzində iş getdiyi, xüsusən də cari informasiyalara diqqət ayrıldığı hiss edilməkdədir. Ancaq bununla bərabər onun hələ də ciddi şəkildə təkmilləşdirilməsinə və daha dolğun şəkildə təqdim edilməsinə gərək var. Bu baxımdan aşağıda bəzi tövsiyələrimizi təklif edirik.

1. Qurumun özü ilə bağlı informasiyalara quruma hazırkı nazirə qədər başçılıq etmiş şəxslər haqqında da bilgilərin daxil edilməsi zəruridir.

2. Ziyarətçilərin əks əlaqəsini daha da asanlaşdırmaq üçün qurumun marşrut və sxemi, həmçinin ictimai nəqliyyat haqqında bilgilərin əlavə edilməsi yaxşı olardı.

3. Strukturun sxem şəkilində verilməsi də gərəklidir. Həmçinin struktur bölmələrinin rəhbərləri ilə əks əlaqə üçün ayrıca imkanlar və strukturun yerləşdiyi ünvan haqqında bilgilərin də əlavə edilməsinə ehtiyac duyulur.

4. Rəhbər, rəhbər işçilər və onlarla əks əlaqə ilə bağlı bilgilərə struktur bölmələrinin rəhbərləri haqqında bioqrafik bilgilər və onlarla əks əlaqə üçün ayrıca imkanların təklif edilməsinə ehtiyac var.

5. Qurumun cari fəaliyyəti bölməsinə onun həyata keçirdiyi proqram və layihələr haqqında, eyni zamanda qurumdaxili əmr və qaydaların reyestri ilə bağlı bilgilərin əlavə edilməsinə ehtiyac var.

6. Ümumi dövlət büdcəsi ilə bağlı bilgilər ayrıntılı şəkildə təqdim edilməlidir.

7. Qurum tərəfindən təklif edilən xidmətlər haqqında bilgiləri sistemli şəkildə təqdim etməyə gərək var.

8. Boş iş yerləri və işə qəbulla bağlı bilgiləri ayrıca təqdim etmək lazımdır.

9. Sahə işcilərinin əmək haqları barədə də eyni fikri demek olar.

10. Vətəndaşların qəbul qaydaları, şərtləri, qəbuldan imtinanın əsasları, bu yöndə ortaya çıxan mübahisələrin həlli yolları barədə də məlumatların təqdim edilməsi gərəklidir.

11. Tender və yarışmaların keçirilməsi ilə bağlı gərəkli bilgiləri uyğun şəkildə tərtib edərək saytda yerləşdirilməsi gərəklidir.

12. Qurumun norma- (qanun)yaratma fəaliyyəti haqqında bilgilərin təqdim edilməsi zəruridir.

13. Saytın texniki imkanları üzrə çatışmayan abunə imkanıdır ki, onu aradan qaldırmaq zəruridir.