Azərbaycan Respublikası Gənclər və İdman Nazirliyinin www.mys.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Gənclər və İdman Nazirliyinin www.mys.gov.az domen adlı İnternet saytını yüksək deyil, hətta orta qiymətləndirmək üçün belə imkanlar yox səviyyəsindədir. İcmal hissədə də qeyd etdiyimiz kimi, bir çox bölmələr üzrə informasiya ya heç yoxdur, ya da olduqca kasaddır. Düzdür, qurumun cari fəaliyyəti yaxşı işıqlandırılır. Ancaq çox vacib hesab edilən başqa bilgilər ümumiyyətlə yoxdur. Bu durum isə saytın faktiki olaraq ən zəif şəkildə təchiz edilməsindən xəbər verir. Məhz buna görə də onun təkmilləşdirilməsi üçün aşağıda bəzi tövsiyələrimizi diqqətə çatdırırıq.

1. Qurumla bağlı informasiyalarda nazirliyin tarixi və bu vaxtadək ona başçılıq etmiş şəxslər haqqında geniş bilgi verilməsinə gərək duyulur.

2. Ziyarətçilərin əks əlaqəsini yaxşılaşdırmaq üçün qurumun marşrut və sxemi, buraya gəlmək üçün ictimai nəqliyyat vasitələri haqqında bilgilərin əlavə edilməsi gərəklidir.

3. Yaxşı olardı ki, qurumun strukturunun sxemi, struktur bölmələrinin səlahiyyət çərçivələri və onların ünvanları haqqında bilgilər təqdim edilsin.

4. Nazirlə bərabər digər rəhbər şəxslər haqqında da bioqrafik bilgilər təqdim edilməli və həmçinin xüsusi xarakterli telefon, faks nömrələri, e-poçt ünvanlarını əks etdirilməlidir.

5. Bəlkə də yeganə informasiyalar qurumun cari fəaliyyəti haqqında olan bilgilərdir ki, təkmilləşdirilməsi üçün elə də ciddi bir ehtiyac duyulmur.

6. Ümumi dövlət büdcəsi barədə bilgilərin təqdim edilməsi gərəklidir.

7. Önəmli informasiyalardan olan qurumun təklif etdiyi xidmətlər haqqında bilgilərin təqdim edilməsi yaxşı olardı.

8. Boş iş yerləri və işə qəbulla bağlı da eyni fikiri söyləmək olar.

9. Sahə işçilərinin əmək haqqları barədə də bilgilərin təqdim edilməsinə ehtiyac duyulur.

10. Vətəndaşların qəbul şərtləri və qəbul günləri (saatları) haqqında bilgilər ətraflı şəkildə təqdim edilməlidir.

11. Şəffaflığın təmini üçün tender və yarışmalar haqqında bilgilərin təqdim edilməsi tövsiyə olunandır.

12. Qurumun norma- (qanun)yaratma fəaliyyətinin də əks etirilməsi gərəklidir.

13. Saytın texniki imkanlarına abunə imkanını da əlavə etmək gərəklidir.