Azərbaycan Respublikası Dövlət Torpaq və Xəritəçəkmə Komitəsinin www.dtxk.gov.az domen adlı İnternet saytı sadə və funksional olsa da bir sıra göstəricilərinə görə təkmilləşdirilməsinə ehtiyac vardır. Saytda gərəkli bilgilər az deyil. Ancaq çatışmayan bilgilər də çoxluqdadır. Ümumi mənzərə isə ondan ibarətdir ki, saytın təkmilləşdirilməsi imkanları yox deyil. Bunu nəzərə alaraq aşağıda bəzi tövsiyələrimizi dilə gətiririk.
1. Qurum haqqında bilgilər sırasına ona daha öncə başçılıq etmiş şəxslər barədə bilgilərində əlavə edilməsinə ehtiyac var.
2. Ziyarətçilərin əks əlaqəsini daha da yaxşılaşdırmaq üçün qurumun ünvanının marşrut və sxemi, həmçinin ora getmək üçün ictimai nəqliyyat haqqında bilgi verilməsi gərəkdir.
3. Qurumun strukturunu sxem olaraq da təqdim etmək lazımdır. Bundan başqa struktur bölmələrinin səlahiyyətləri, həm də onların ünvanları haqqında bilgilərin verilməsi zəruridir.
4. Qurumun struktur bölmələrinin rəhbərləri haqqında da bioqrafik bilgilər təqdim edilməli. Həmçinin qurumun rəhbəri ilə birbaşa əlaqə imkanları təklif edilməsi yaxşı olardı.
5. Qurumun cari fəaliyyətini daha çevik işıqlandırmaq lazımdır. Bundan başqa qurumdaxili əmr və sərəncamlar, onların reyestri haqqında bilgi verilməlidir. Qurumun icra etdiyi proqram və layihələr haqqında bilgilərin də aydın və dolğun şəkildə təqdim edilməsi gərəklidir.
6. Büdcə ilə bağlı məsələlər haqqında bilgilərin təqdim edilməsi tövsiyə olunur.
7. Qurum tərəfindən təklif edilən xidmətlər haqqında bilgilər daha ayrıntılı və aydın şəkildə təqdim edilməli və qurumun təklif etdiyi pullu xidmətlərin qiymətlərinin formalaşma yolları haqqında bilgi təqdim edilməlidir.
8. Boş iş yerləri və işə qəbulla bağlı bilgilərin də öz əksini tapması gərəklidir.
9. Eyni tövsiyələr sahə işçilərinin əmək haqları barədə bilgilərədə aid edilir.
10. Vətəndaşların qəbul şərtləri və qəbul günləri (saatları) haqqında qəbulun ümumi qaydaları, qəbuldan imtinanın əsasları və mübahisələrin həlli yolları haqqında da bilgi verilməsi zəruridir.
11. Tender və yarışmalar haqqında bilgilərin təqdim edilməsi faydalı olardı.
12. Qurumun norma- (qanun)yaratma fəaliyyəti barədə də eyni sözləri demek mümkündür.
13. Saytın texniki imkanları sırasına abunə imkanının da əlavə edilməsi gərəklidir.