Azərbaycan Respublikası Hesablama Palatasının www.ach.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Hesablama Palatasının www.ach.gov.az domen adlı İnternet saytı, icmalda da qeyd etdiyimiz kimi xüsusi olaraq seçilən saytlardan biri təsiri bağışlayır. Saytın texniki imkanları yetərlidir. Həm də funksionallığı yüksəkdir. Təbii ki, informasiya dolğunluğu da diqqət çəkir. Bu baxımdan saytın təkmilləşdirilməsi üçün elə də çox işə gərək yoxdur. Bununla belə bəzi təkmilləşdirmə işlərinin aparılması zəruridir. Durumu nəzərə alaraq aşağıda saytın təkmilləşdirilməsi üçün bəzi tövsiyələrimizi qeyd edirik.

1. Qurum haqqında bilgilərə ona daha öncə başçılıq etmiş şəxslər barədə bilgi əlavə edilməsi faydalı olardı.

2. Ziyarətçilərin əks əlaqəsini daha da tamlaşdırmaq üçün oraya gələn ictimai nəqliyyat barədə də bilgi verilməsinə gərək var.

3. Qurumun struktur vahidlərinin ünvanları haqqında da ayrıca bilgi verilməsi tövsiyə olunur.

4. Rəhbər, rəhbər işçilər və onlarla əks əlaqə ilə bağlı bilgilər yetərli sayılacaq qədərdir və heç bir tövsiyəyə gərək yoxdur.

5. Cari informasiyalar məsələsində saytın daha çevik hala gətirilməsi gərəklidir.

6. Büdcə ilə bağlı məsələlər haqqında ümumi dövlət büdcəsi, həmçinin qurumun büdcəsinə edilən dəyişikliklər barədə də bilgi verilməsi zəruridir.

7. Qurum tərəfindən təklif edilən pullu xidmətlər və onlardan istifadə üsulları barədə bilgi verilməlidir.

8. Yaxşı olardı ki, boş iş yerləri və işə qəbulla bağlı bilgilər təqdim edilsin.

9. Həmçinin sahə işçilərinin əmək haqları barədə bilgilərin verilməsi faydalı olardı.

10. vətəndaşların qəbul şərtləri və qəbul günləri (saatları) barədə qəbuldan imtinanın əsasları və mübahisələrin həlli yolları haqqında ayrıca bilgi verilməsi tövsiyə olunur.

11. Tender və yarışmalar haqqında isə tender və yarışmaların sonucları və mübahisələrin həlli yolları barədə bilgilər əlavə edilməsinə ehtiyac var.

12. Qurumun norma- (qanun)yaratma fəaliyyəti barədə də bilgilərin sayta əks etdirilməsi tövsiyə olunur.

13. Saytın texniki imkanları mükəmməldir. Tövsiyəyə gərək yoxdur.