Azərbaycan Respublikası Xüsusi Dövlət Mühafizə Xidmətinin www.dmx.gov.az domen adlı İnternet saytının monitorinqinin yekunu /İCMAL/

Azərbaycan Respublikası Xüsusi Dövlət Mühafizə Xidmətinin www.dmx.gov.az domen adlı İnternet resursu faktiki olaraq boş bir sayt hesab edilə bilər. Müşahidə etdiyimiz 13 bölmədən cəmi 2-nə aid bilgiləri olan saytda bunlar da yetərli deyil. Burada yalnız qurumun özü (tarixi) haqqında, bir də onun ünvanı və telefonları haqqında bilgi var. Başqa bilgilər də verilir. Ancaq həmin bilgilər elə də ciddi əhəmiyyət kəsb etmir. Misal üçün, qurumun hansısa müalicə müəssisəsi, yaxud da istirahət mərkəzi haqqında qısa bilgilər bu qəbildəndir. Ümumiyyətlə isə, demək olar ki, sayt boşdur. Əslində elə yox kimidir.

1. Qurum haqqında bilgilər bölməsində yalnız onun tarixi haqqında məlumat verilir. Başqa heç bir bilgi yoxdur.

2. Ziyarətçilərin əks əlaqəsi üçün qurumun ünvanı, ümumi xarakterli telefon və faks nömrələri, bir e-poçt ünvanı təqdim edilir.

3. Qurumun struktur vahidləri haqqında heç bir bilgi yoxdur.

4. Rəhbər və digər rəhbər işçilər haqqında bioqrafik bilgilər və onlarla əks əlaqə imkanları barədə heç bir bilgi təqdim edilmir.

5. Təəssüf ki, dövlət qurumunun cari fəaliyyəti haqqında informasiyalarda verilmir.

6. Ümumi dövlət büdcəsi ilə bağlı da eyni sözləri demək mümkündür.

7. Qurumu tərəfindən təklif edilən xidmətlər haqqında da saytda heç bir bilgi əldə etmək mümkün deyil.

8. Boş iş yerləri və işə qəbulla bağlı da eyni mənzərə müşahidə olunur.

9. Sahə işçilərinin əmək haqları barədə bilgilər də saytda öz əksini tapmayıb.

10. Vətəndaşların qəbul şərtləri və qəbul günləri (saatları) barədə hər hansı bilgi verilmir.

11. Eyni sözləri tender və yarışmalar haqqında da demək olar.

12. Daha bir boş bölmə qurumun norma- (qanun)yaratma fəaliyyəti haqqındadır.

13. Saytın texniki imkanları isə aşağı səviyyədə hesab etmək olar.