Azərbaycan Respublikası Baş Prokurorluğunun www.genprosecutor.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Baş Prokurorluğunun www.genprosecutor.gov.az domen adlı İnternet saytı, icmaldan da göründüyü kimi, olduqca zəngin və dolğundur. Həm də burada bir çox bölmələr üzrə təqdim edilən bilgilər digər saytlarla müqayisədə yetərincə dolğundur. Ona görə də bu saytla bağlı geniş tövsiyələrə gərək qalmır. Bununla belə bəzi bölmələr üzrə çatışmazlıqlar da diqqətdən qaçmır və məhz onların aradan qaldırılması üçün aşağıda bəzi tövsiyələrimizi təqdim edirik.

1. Qurum haqqında bilgilər mükəmməl və dolğun olduğu üçün hər hansı bir tövsiyəyə gərək yoxdur.

2. Ziyarətçilərin əks əlaqəsini tam olaraq yaxşılaşdırmaq üçün qurumun yerləşdiyi ünvanın marşrut və sxemi, həmçinin oraya getmək üçün ictimai nəqliyyat barədə bilgi verilməsi faydalı olardı.

3. Qurumun struktur vahidləri haqqında dolğun bilgilər sırasına struktur vahidlərinin sxemini də təqdim etmək tövsiyə olunur.

4. Rəhbər və digər rəhbər işçilər haqqındakı bilgilərə digər rəhbər işçilərin bioqrafik bilgilərinin də əlavə edilməsi yaxşı olardı.

5. Cari informasiyalar bölməsində qurumun icra etdiyi proqram və layihələr haqqında da bilgilərin təqdim edilməsi gərəklidir.

6. Yaxşı olardı ki, büdcə ilə bağlı məsələlər haqqında informasiyalar saytda yer alsın.

7. Qurum tərəfindən təklif edilən xidmətlər barədə bilgilər təqdim edilməsi gərəkli olan informasiyalardandır.

8. Boş iş yerləri və işə qəbulla bağlı bilgilər sırasına qurumdaxili ixtisasdəyişmə, işə qəbulun sonucları və qəbulla bağlı mübahisələrin həlli yolları barədə bilgilərin əlavə edilməsi tövsiyə olunur.

9. Sahə işçilərinin əmək haqları barədə bilgilərin təqdim edilməsi də tövsiyələr sırasındadır.

10. Vətəndaşların qəbulundan imtinanın əsasları və mübahisələrin həlli yolları barədə bilgilər də saytda yer almalıdır.

11. Yaxşı olardı ki, tender və yarışmalar haqqında bilgilər saytda əks olunsun.

12. Qurumun norma- (qanun)yaratma fəaliyyətinin işıqlandırılması da gərəklidir.

13. Saytın texniki imkanları yetərli hesab edildiyindən elə bir tövsiyəyə gərək yoxdur.