Azərbaycan Respublikası Abşeron Rayon İcra Hakimiyyəti www.absheron.gov.az domen adlı İnternet saytının monitorinqinin yekunu /İCMAL/

Azərbaycan Respublikası Abşeron Rayon İcra Hakimiyyəti  www.absheron.gov.az domen adlı İnternet resursu ilkin görünüş olaraq normal görünsədə informasiyalar baxımından və bir sıra bölmələr üzrə bilgi çatışmazlığı baxımından da, təəssüf ki, diqqət çəkir. Xüsusən də şəffaflıq baxımından gərəkli olan büdcə bilgiləri, tender və yarışmalar, işə qəbul, vətəndaşların qəbulu məsələlərində saytda heç bir bilgi yoxdur. Ümumi hesabla 12 bölmədən yalnız 4-du üzrə bilgi var ki, bu da yetərli sayıla bilməz. Bütövlükdə sayt aşağıdakı kimi görünür.

1.    Rayon haqqındakı bilgilər kifayət qədər sayılsada qurum haqqındakı bilgilər demək olar ki, çox kəsaddır. Qurumun tarixi, qanunverici əsasları saytda əks olunsada səlahiyyət çərçivələri və hakimiyyət qolunda yeri əks olunmur. Quruma başçılıq etmiş şəxslər barədə isə çox qısa melumat verilir.
 
2.    Ziyarətçilərin əks əlaqəsi üçün qurumun ünvanı, telefon və faks nömrələri, e-poçt ünvanları verilir. Lakin quruma başqa yerlərdən getmək üçün marşrut və ictimai nəqliyyat haqqında,  bilgi verilmir.

3.    Qurumun strukturu haqqında sxem və müavinlər haqqında məlumat verilsədə digər vəzifəli şəxslər haqqında heç bir bilgi yoxdur.

4.    Qurumun rəhbəri və quruma daha öncə rəhbərlik etmiş şəxslər barədə ad və soyadlar xaricində heç bir bilgi verilmir. Həmçinin digər heç bir vəzifəli şəxs barədə də bilgi yoxdur. Bundan başqa rəhbər şəxslərin qəbul günləri haqqında məlumat verilsədə  birbaşa əlaqə vasitələri baxımından heç bir bilgi yoxdur.

5.    Cari informasiyalar baxımından demək olar ki, sayt çox geridə qalır. Saytdakı ən son məlumat 18 oktyabr 2011-ci il tarixə aiddir. 

6.    Ümumi dövlət büdcəsi ilə bağlı hər hansı bilgi yoxdur.

7.    Qurum tərəfindən təklif edilən xidmətlər haqqında heç bir bilgi yoxdur.

8.    Boş iş yerləri və işə qəbulla bağlı bilgilər barədə vəziyyət yuxarıdakı kimidir.

9.    Qurumun işçilərinin əmək haqları ilə bağlı heç bir məlumat verilmir.

10.    Vətəndaşların qəbulu ilə bağlı yalnız qəbul günləri və saatları əks etdirilir.

11.    Tender və yarışmalar haqqında hər hansı bilgi verilmir.

12.    Saytın texniki imkanları orta səviyyədədir. Onlayn müraciət forması təqdim olunsada abunə imkanı verilmir.