Azərbaycan Respublikası Milli Məclisinin www.meclis.gov.az domen adlı İnternet saytının monitorinqi TÖVSİYƏLƏR

Azərbaycan Respublikası Milli Məclisinin www.meclis.gov.az ünvanlı İnternet saytı, icmaldan da göründüyü kimi bir qədər daha təkmil şəkildə təqdim edilsə də orada xeyli bilgi çatışmazlığı da müşahidə edilməkdədir. Düzdür, funksionallıq və istifadə rahatlığı baxımından sayt istifadəçiləri təmin edəcək həddədir. Ancaq bunu özəlliklə də qurumun özünə aid olan bir sıra bilgilərin təmin edilməsi baxımından demək olmaz. Yəni saytın tərkibinin zənginləşdirilməsinə, daha doğrusu onun uyğun qanunun tələbləri səviyyəsinə yüksəldilməsinə gərək var. Bunu nəzərə alaraq aşağıda bəzi tövsiyələrimizi təqdim edirik:

1.    Qurumun özü haqqında bilgilər yetərli hesab edildiyinə görə hər hansı tövsiyə irəli sürməyə gərək duyulmur.

2.    Ziyarətçilərin əks əlaqəsi üçün qurumun ünvanının sxemini də təqdim etmək lazımdır. Həm də avtobus nömrələrinin dəyişməsini nəzərə alaraq bu göstərici üzrə bilgilərin yenilənməsinə ehtiyac var.

3.    Qurumun strukturunun ümumi sxeminin təqdim edilməsi yaxşı olardı.

4.    Rəhbər və rəhbər işçilər onlarla əks əlaqə imkanları sırasına qurumun rəhbəri ilə də əlaqə imkanlarının daxil edilməsi gərəklidir.  

5.    Yaxşı olardı ki, qurumun cari fəaliyyəti haqqında informasiyalar sırasına qurumdaxili əmr və qərarlar, onların reyestri, həyata keçirilən proqram və layihələr barədə bilgilər də əlavə olunsun.

6.    Ümumi dövlət büdcəsi haqqında bilgilərin təqdim edilməsi vacibdir.

7.    Qurum tərəfindən təklif edilən xidmətlər bölməsində həmçinin onlayn müraciət forması, təklif edilən xidmətlər və elektron xidmətlər haqqında məlumatların da əks etdirilməsi yaxşı olardı.   

8.    İşə qəbul qaydaları və boş iş yerləri haqqında bilgilər də təqdim edilməsi vacib olan informasiyalardandır.

9.    Sahə işçilərinin əmək haqları barədə də eyni sözləri demək mümkündür.

10.    Vətəndaşların qəbul şərtləri və qəbul günləri (saatları) haqqında verilmiş olan qəbul günləri haqqındakı bilgilər, təbii ki, yetərli deyil. Təqdim edilməsi vacib olan bilgilər vəzifəli şəxslər tərəfindən vətəndaşların qəbul norma və qaydaları barədə ümumi bilgi, dövlət qurumunda vətəndaşların qəbul qaydaları, dövlət qulluqçusunun etika qaydaları haqqındadır.

11.    Şəffaflığın təmin edilməsi baxımından tender və yarışmaların keçirilməsi ilə bağlı bütün mümkün qayda və elanlar haqqında ayrıntılı bilgi verilməsi zəruridir.

12.     Dövlət qurumunun norma- (qanun)yaratma fəaliyyət haqqındakı bilgilər sırasına həmçinin Milli Məclisin özünə aid fəaliyyətlərinin də əks olunması vacibdir.

13.    Saytın texniki imkanlarının yetərli sayıla biləcək həddə olduğundan əlavə tövsiyəyə ehtiyac duyulmur.