Azərbaycan Respublikası Xarici İşlər Nazirliyinin www.mfa.gov.az domen adlı İnternet saytının monitorinqinin yekunu /İCMAL/

Azərbaycan Respublikasэ Xarici İşlər Nazirliyinin www.mfa.gov.az ünvanlı İnternet saytı daha öncəki illərlə müqayisədə bir qədər təkmilləşdirilsə də onun arzu olunan səviyyəyə çatdığını demək olmaz. Düzdür, saytda özəlliklə də bu sahənin əsas məsələlərinə aid bilgilər yer alıb. Ancaq onların mövcudluğu heç də o demək deyil ki, burada hər şey qaydasındadır. Ən adi bilgilər, örnək üçün, büdcə, tender və yarışmalar və hətta vətəndaşların qəbulu barədə heç nə deyilmir. Halbuki bu cür bilgilər, əslində və qanunun tələbi gərəyincə mütləq təqdim edilməlidir. Görünür, bu saytın məsulları hələ də “İnformasiya əldə etmək haqqında” qanunun tələblərini nəzərə almırlar. Bu isə təbii ki, yaxşı hal deyil. Saytın ümumi durumu isə aşağıdakı kimidir:

1.    Qurum haqqındakı bilgilərdə qurumun tarixi, rəhbərləri və kollegiya haqqında, qurumun fəaliyyətini təmin edən qanunverici baza haqqında bilgilər təqdim edilir. Və bu bilgiləri yetərli saymaq olar.

2.    Ziyarətçilərin əks əlaqəsi üçün ümumi bilgilər: qurumun yerləşdiyi ünvan, telefon və faks nömrələri, e-poçt ünvanları təqdim edilir. Lakin qurumun ünvanının marşrut və sxemi, ora getmək üçün ictimai nəqliyyat barədə bilgilər təqdim edilmir.

3.    Qurumun strukturu haqqında çatışmayan informasiyalar qurumun strukturunun sxemi və struktur bölmələrinin rəhbərləri ilə əlaqə imkanlarıdır.  

4.    Rəhbər və rəhbər işçilər onlar əks əlaqə baxımından struktur bölmələrinin rəhbərləri haqqında bioqrafik bilgilər, qurumun rəhbəri ilə əks əlaqə imkanı, həmçinin struktur bölmələrinin rəhbərləri ilə əks əlaqə imkanları təklif edilmir.

5.    Qurumun cari fəaliyyəti haqqında mətbuat üçün açıqlamalar və quruma aid olan informasiyalar təqdim edilsə də qurumdaxili əmr və qərarlar, onların reyestri haqqında bilgilər təəssüf ki, yoxdur.

6.    Ümumi dövlət büdcəsinin quruma aid hissəsi və onun icrası barədə saytda keç bir bilgiyə rast gəlinmir.

7.    Qurum tərəfindən təklif edilən xidmətlər barədə isə çatışmayan elektron xidmətlər, onlayn müraciət imkanı və qaynar xətt nömrəsi barədə olan informasiyalardır.

8.    İşə qəbul qaydaları və boş iş yerləri haqqında  işə qəbulla bağlı komissiyalar, boş iş yerləri, elanlar və onların arxivi barədə heç bir bilgi saytda öz əksini tapmır.    

9.    Təəssüf ki, sahə işçilərinin əmək haqları barədə heç bir bilgi verilmir  

10.    Vətəndaşların qəbul şərtləri və qəbul günləri (saatları) barədə də eyni sözləri demək mümkündür.

11.    Tender və yarışmaların keçirilməsi ilə bağlı bilgilər haqqında da yuxarıdakı sözləri demək olar.

12.    Qurumun norma- (qanun)yaratma fəaliyyəti haqqında da saytda heç bir bilgiyə rast gəlinmir.  

13.    Saytэn texniki imkanlarэ sэrasэnda abunə və əks əlaqə üçün onlayn forma yoxdur.