Azərbaycan Respublikası Daxili İşlər Nazirliyinin www.din.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikasэ Daxili İşlər Nazirliyinin www.din.gov.az ünvanlı İnternet saytı, icmaldan da göründüyü kimi, hər zamankı iddialılığını qorumaqdadır. Yəni saytın üzərində ciddi diqqətin davam etdiyi, bu sahəyə məsul şəxslərin işə barmaqarası yanaşmadığı göz önündədir. Bununla belə saytda bəzi çatışmazlıqlar hələ də qalmaqdadır. İcmal hissədə də qeyd etdiyimiz kimi, bir neçə bölmə üzrə bilgilər ya ümumiyyətlə verilmir, yaxud da sadəcə əlçatan səviyyədə olmadığı üçün istifadəçilərin nəzərinə çarpmır. Ona görə də aşağıda bu çatışmazlıqları aradan qaldırmaq üçün bəzi tövsiyələrimizi təqdim edirik:

1.    Qurum haqqındakı bilgilər yetərli səviyyədə olduğundan tövsiyəyə gərək duyulmur.

2.    Ziyarətçilərin əks əlaqəsi üçün təqdim edilən məlumatlar sırasına qurumun ünvanının marşrut və sxemi, bura gəlmək üçün ictimai nəqliyyat haqqında bilgilərin də əlavə edilməsi yaxşı olardı.

3.    Yaxşı olardı ki, qurumun strukturu haqqındakı bilgilərə həm də qurumun strukturunun sxemini əlavə edilsin.  

4.    Rəhbər və rəhbər işçilər onlar əks əlaqə imkanları haqqında isə gərəkli bütün bilgilər təqdim edildiyindən əlavə tövsiyəyə ehtiyac duyulmur.

5.    Tövsiyəyə gərək duyulmayan daha bir bölmə isə qurumun cari fəaliyyəti haqqındadır.

6.    Ümumi dövlət büdcəsinin quruma aid hissəsi və onun icrası təqdim edilməsi vacib olan bilgilərdəndir.  

7.    Qurum tərəfindən təklif edilən xidmətlər haqqında informasiyalarda tam və dolğun şəkildə təqdim edildiyindən əlavə tövsiyəyə gərək yoxdur.

8.    İşə qəbul qaydaları və boş iş yerləri haqqında isə təqdim edilən məlumatlarla yanaşı işə qəbulla bağlı mümkün komissiyalar haqqında olan bilgilərin  də əlavə edilməsi faydalı olardı.

9.    Sahə işçilərinin əmək haqları barədə bilgilərin təqdim edilməsi şəffaflıq baxımından çox faydalı olardı.

10.    Vətəndaşların qəbul şərtləri və qəbul günləri (saatları) haqqında da bilgilər tam və dolğun təqdim edildiyindən heç bir tövsiyəyə gərək yoxdur.

11.    Tender və yarışmaların keçirilməsi ilə bağlı isə bilgilərin təqdim edilməsi zəruridir.

12.    Yaxşı olardı ki, qurumun norma- (qanun)yaratma fəaliyyəti haqqındakı bilgilər sırasına qurumun bu sahədəki fəaliyyəti də ayrıntılı və tələb olunan şəkildə təqdim edilsin.

13.     Sayt texniki imkanlar baxımından mükəmməl şəkildədir və tövsiyə olunacaq bir şey yoxdur.