www.mia.gov.az – Azərbaycan Respublikası Daxili İşlər Nazirliyinin İnternet saytı

Daxili İşlər Nazirliyinin İnternet saytı vətəndaşların istifadəsi üçün daha əlverişli sayıla bilər. Burada həm əks əlaqə üçün telefon nömrələrinin verilməsi, həm də müraciətlər üçün onlayn formanın yerləşdirilməsi ziyarətçilərin işini xeyli asanlaşdırır. Nazirdən başlayaraq digər yüksək rütbəli əməkdaşların biografiyaları, həmçinin müxtəlif idarə və şöbələrin ünvan və telefon nömrələrinin olması əlavə sualların ortaya çıxmasını əngəlləməklə işin daha effektli qurulmasına yardım edə bilir. Ümumilikdə zəngin bir sayt təsiri bağışlayan resurs aşağıdakı bölmələrdən ibarətdir:

• Daxili İşlər Nazirliyi: rəhbərlik (biografiyalar), DİN-in strukturu (+), təhsil müəssisələri və DİN-in tarixi
• Qanunvericilik: qanunlar, fərmanlar və qərarlar
• Mətbuat xidməti: məlumatlar, çıxışlar və müsahibələr, kriminal xronika, mətbuat organları
• Beynəlxalq əməkdaşlıq: beynəlxalq əlaqələr və sənədlər
• Cinayətkarlıqla mübarizə: 2006-cı ilin I rübü üzrə təhlil, 2005-ci il üzrə təhlil, 2004-cü il üzrə təhlil, transmilli cinayətkarlıq, müqayisəli statistika
• İnsan alverinə qarşı mübarizə: insan alverinə qarşı mübarizə haqqında yazı, telefon nömrələri və ünvan
• Axtarışda olanlar: təqsirləndirilən şəxslər, itkin düşmüşlər, nəqliyyat vasitələri, sənədlər
• Vətəndaşların müraciətləri: təklif, ərizə və şikayətlə müraciət etmək üçün onlayn forma
• Vətəndaşların qəbulu: burada DİN-in vəzifəli şəxslərinin qəbul günləri və qəbul saatları göstərilib
• Faydalı məlumatlar: daxili işlər organlarında xidmətə qəbul, şəxsiyyəti təsdiq edən sənədlər, vətəndaş və polis, mülki silahın əldə edilməsi, vətəndaşların müraciətlərinə baxılma qaydası, müxtəlif növ möhürlərin və ştampların hazırlanmasına lisenziyanın verilməsi, əcnəbilərin və vətəndaşlığı olmayan şəxslərin qeydiyyata alınması barədə, polisin xüsusi geyim forması, şəxslərə məhkumluğun olması (olmaması) barədə arayışların verilməsinə dair təlimat
• Əlaqə vasitələri: rəhbərlik, baş idarələr və idarələr, Bakı şəhər polis organları, Naxçıvan MR DİN, rayon (şəhər) polis idarə və şöbələri
• Fotoalbom: ümumi, DİN-in tarixi, DİN-in muzeyi
• Vətəndaşların nəzərinə: DİO-ya orta və böyük rəis heyəti vəzifələrinə müsabiqənin keçirilmə qaydaları, DİO-da orta və böyük rəis heyəti vəzifələrinə olan vakansiyalar, DİO-da orta və böyük rəis heyəti vəzifələrinə qəbul üçün müraciət etmiş namizədlərin nəzərinə, Test imtahanlarından 65 və daha yüksək bal toplayan namizədlərin nəzərinə, Xidmətə qəbul üzrə keçirilmiş müsabiqənin qaliblərinin siyahısı, Polis Akademiyasına qəbul qaydaları

Hiss olunur ki, bu saytın hazırlanmasına gərgin əmək sərf edilib. Bu isə daxili işlər organlarının fəaliyyətinin daha şəffaf olmasına, vətəndaşlarla əks əlaqənin daha effektli qurulmasına səbəb ola bilər.