Azərbaycan Respublikası Binəqədi Rayon İcra Hakimiyyəti www.binegedi-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

posted by

Azərbaycan Respublikası Binəqədi Rayon İcra Hakimiyyəti www.binegedi-ih.gov.az domen adlı İnternet saytı, qeyd etdiyimiz kimi görünüş, funksionalıq və bəzi bilgilərin dolğunluq göstəricilərinə görə yaxşı dəyərləndirilir. Lakin bir çox əsas bilgilərin çatışmamağının nəzərə alaraq müxtəlif bölmələr üzrə tövsiyələrimizi qeyd edirik.

1. Qurum haqqında bilgilərə quruma daha öncə başçılıq etmiş şəxslər haqqında məlumların əlavə edilməsi yaxşı olardı.

2. Ziyarətçilərin əks əlaqəsinin yaxşılaşdırılması üçün qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin saytda yer alması faydalı olardı.

3. Qurumun strukturunun sxemi ilə yanaşı struktur haqqında sözlü bilgilərin də təqdim edilməsi tövsiyə olunur.

4. Rəhbər və rəhbər işçilər, onlarla əks əlaqə haqqında təqdim edilən bilgilərə struktur bölmələrinin rəhbərləri haqqında bioqrafik bilgilər, icra hakimiyyətinin rəhbəri ilə əks əlaqə imkanları və vətəndaşların müraciətlərinə baxılma qaydaları haqqında məlumatların daxil edilməsi tövsiyə olunur.

5. Cari informasiyalar əks etdirildiyi üçün əlavə tövsiyəyə gərək duyulmur.

6. Ümumi dövlət büdcəsinin icra hakimiyyətinə aid hissəsi və onun icrası barədə bilgilərin əks etdirilməsinə ehtiyac duyulur.

7. Qurum tərəfindən təklif edilən xidmətlər haqqında bilgin təqdim edilməsi faydalı olardı.

8. Boş iş yerləri və işə qəbulla bağlı məlumatların təqdim edilməsi vacib olan bilgilərdəndir.

9. Sahə işçilərinin əmək haqları barədə bilgilərin təqdim edilməsi gərəklidir.

10. Vətəndaşların qəbul şərtləri və qəbul günləri (saatları) haqqında bilgilər təqdim edilir. Bu bililərə həmçinin icra hakimiyyətində vətəndaşların qəbul qaydaları barədə olan bilgilərin də əlavə edilməsi yaxşı olardı.

11. Tender və yarışmalar haqqında bilgilərin təqdim edilməsi tövsiyə olunur.

12. Saytın texniki imkanları sırasına abunə imkanının da daxil edilməsi gərəklidir.