Azərbaycan Respublikası İqtisadi İnkişaf Nazirliyinin www.economy.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası İqtisadi İnkişaf Nazirliyinin www.economy.gov.az ünvanlı İnternet resursu, icmaldan da anlaşıldığı kimi, bir sıra göstəricilərinə görə yetərincə uyğun tərtib edilib. Üstəlik, istifadə rahatlığı da təmin edilib. Tender, işə qəbul kimi önəmli göstəricilər üzrə bilgilər də verilib. Bununla belə saytda bir sıra çatışmazlıqlar da müşahidə edilməkdədir ki, onları aradan qaldırmağın mümkünlüyünə inandığımız üçün aşağıda bu yöndə bəzi tövsiyələrimizi təqdim edirik:

1.    Qurum ilə bağlı informasiyalar haqqında təqdim edilən bilgilərlə bərabər  qurumun tarixi haqqında bilgiləri ayrıntılı şəkildə təqdim etmək gərəklidir.

2.    Ziyarətçilərin dövlət qurumu ilə əlaqə saxlaması üçün gərəkli bütün imkanlar təqdim edildiyindən əlavə tövsiyəyə gərək duyulmur.  

3.    Qurumun strukturu haqqında bilgilərlə bərabər qurumun sxeminin və struktur bölmələrinin səlahiyyət çərçivələrinin ayrıntılı şəkildə təqdim edilməsi gərəklidir.  

4.    Rəhbər və rəhbər iєзilər onlarla əks əlaqə imkanları haqqındakı bilgilərlə bərabər bütün gərəkli bioqrafiyaların tam şəkildə təqdim edilməsi də vacibdir.  

5.    Qurumun cari fəaliyyəti haqqında informasiyalar yetərli səviyyədə olduğundan əlavə bir şərhə ehtiyac yoxdur.

6.    Şəffaflığın təmin edilməsi baxımından ümumi dövlət büdcəsinin quruma aid hissəsi və onun icrası barədə bilgilərin təqdim edilməsi yaxşı olardı.  

7.    Qurum tərəfindən təklif edilən xidmətlər haqqında informasiyalarla yanaşı əlavə xidmətlər barədə də bilgilərin verilməsi yaxşı olardı.  

8.    İşə qəbul qaydaları və boş iş yerləri haqqında isə işə qəbulla bağlı komissiyalar haqqında bilgilərin əlavə edilməsi tövsiyə olunur.

9.    Sahə işçilərinin əmək haqları barədə bilgilərin verilməsi faydalı olardı.

10.    Vətəndaşların qəbul şərtləri və qəbul günləri (saatları) haqqında bilgilər tam olduğundan əlavə tövsiyəyə gərək yoxdur.

11.    Tender və yarışmaların keçirilməsi ilə bağlı bütün mümkün qayda və elanlar haqqında qaydalar barədə, həmçinin nəticələrlə bağlı mübahisələrin həlli yolları haqqında da bilgilərin  verilməsi zəruridir.

12.    Dövlət qurumunun norma- (qanun)yaratma fəaliyyəti haqqında bilgilərin təqdim edilməsi tövsiyələr sırasındadır.

13.    Sayt texniki imkanlar baxımından yaxşı səviyyədə olduğu üçün əlavə bir tövsiyəyə gərək yoxdur.