Azərbaycan Respublikası Bərdə Rayon İcra Hakimiyyəti www.berde-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Bərdə Rayon İcra Hakimiyyəti  www.berde-ih.gov.az domen adlı İnternet saytı, Məlumat baxımından kasaddır. İcmalda da qeyd etdiyimiz kimi sayt görünüş baxımından yaxşı tərtib edilib. İnformasiya ilə işləmə baxımından və əsas bilgilər baxımından çatışmazlıqlar çoxdur. Cari informasiyalar isə sayta nəzarətin olmadığının göstəricisidir.  Lakin bununla yanaşı saytın təkmilləşdirilmə imkanlarını nəzərə alaraq aşağıda bir sıra tövsiyələrimizi diqqətə çatdırırıq.

1.    Rayon haqqında təqdim edilən bilgilərin zənginləşdirilməsi gərəklidir. Qurum haqqında bilgilər isə mütləq şəkildə təqdim olunması tövsiyə olunur.

2.    Ziyarətçilərin əks əlaqəsini daha da uyğun bir hala gətirmək baxımından ümumi bilgilərlə yanaşı qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin saytda yer alması yaxşı olardı.

3.    Qurumun strukturunun sxeminin daha da zənginləşdirilməsi və struktur haqqında sözlü bilgilərin təqdim edilməsi zəruridir.  

4.    Rəhbər, rəhbər işçilər və onlarla əks əlaqələr haqqında isə Həm rəhbərin həm digər rəhbər işçilərin bioqrafiyaları həm də onlarla əks əlaqə imkanlarının təqdim edilməsi lazımlıdır.

5.    Yaxşı olardı ki, cari informasiyalar cariləşdirilsin. İl yarım öncəki informasiyaları cari saymaq mümkün deyil.   

6.    Büdcə ilə bağlı məsələlər haqqında saytda bilgi verilməsi tövsiyə olunur.

7.    Qurum tərəfindən təklif edilən xidmətlər haqqında bilgi verilməsinə gərək duyulur.

8.    Boş iş yerləri və işə qəbulla bağlı bilgilərin də saytda öz əksini tapması yaxşı olardı.

9.    Ən azından qurumun rəhbərliyinə daxil olan şəxslərin əmək haqları barədə bilgiləri daxil etmək gərəklidir.

10.    Vətəndaşların qəbul şərtləri və qəbul günləri (saatları) haqqında bilgilər sırasına vətəndaşların qəbul norma və qaydaları barədə ümumi bilgilər də əlavə edilsin.

11.    Tender və yarışmalar haqqında bilgilərin təqdim edilməsi tövsiyələr sırasındadır.

12.    Saytın texniki imkanlarının yaxşılaşdırılması və abunə imkanının və onlayn müraciət formasının daxil edilməsi tövsiyə olunur.