Azərbaycan Respublikası Ekologiya və Təbii Sərvətlər Nazirliyinin www.eco.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Ekologiya və Təbii Sərvətlər Nazirliyinin www.eco.gov.az ünvanlı İnternet saytı bir sıra göstəricilər üzrə zəngin və dolğun olmaqla bərabər çox önəmli göstəricilər üzrə bilgilərin yoxluğu baxımından da diqqəti çəkir. Saytın texniki imkanları yetərli olduğu üçün onun bu yöndə təkmilləşdirilməsinə elə də ciddi gərək yoxdur. Ancaq tərkibinin zənginləşdirilməsi baxımından sayt üzərində bir qədər də iş aparılmalıdır. Ona görə də aşağıda bu yöndə bəzi tövsiyələrimizi diqqətə çatdırırıq:

1.    Qurum ilə bağlı informasiyalar ətraflı şəkildə təqdim edildiyindən tövsiyəyə gərək duyulmur. 

2.    Ziyarətçilərin qurum ilə əlaqə saxlaması üçün gərəkli imkanlar təqdim edildiyindən əlavə bir şərhə ehtiyac yoxdur. 

3.    Qurumun strukturu haqqında təqdim edilən bilgilər sırasına  qurumun struktur bölmələrinin səlahiyyət çərçivələri haqqında bilgilərin  də əlavə edilməsi tövsiyə olunur.

4.    Rəhbər və rəhbər işçilər onlarla əks əlaqə baxımından isə struktur bölmələrinin rəhbərləri haqqında bioqrafik bilgiləri əlavə etmək lazımdır.

5.    Dövlət qurumunun cari fəaliyyəti haqqında təqdim edilməsi gərəkli olan informasiya qurumdaxili əmr və qərarlar, onların reyestri haqqındadır. 

6.    Ümumi dövlət büdcəsinin quruma aid hissəsi və onun icrası haqqındakı bilgilər  yaxşı olardı ki, tam və ayrıntılı şəkildə təqdim edilsin.

7.    Qurum tərəfindən təklif edilən xidmətlər haqqında informasiyalar sırasına onlayn müraciət forması və qaynar xətt telefon nömrəsi ilə bərabər digər göstəricilər üzrə də bilgilərin daxil edilməsi tövsiyə olunur. 

8.    İşə qəbul qaydaları və boş iş yerləri haqqında isə işə qəbulla bağlı komissiyalar haqqında bilgi və boş iş yerləri haqqında elanlar arxivinin daxil edilməsi tövsiyələr sırasındadır

9.    Yaxşı olardı ki, sahə işçilərinin əmək haqları barədə bilgilər saytda əks etdirilsin.

10.    Vətəndaşların qəbul şərtləri və qəbul günləri (saatları) haqqında isə yalnız qəbul günləri və saatları barədə bilgi verilməsi yetərli deyil. Digər göstəricilər üzrə də bilgilərin verilməsi zəruridir.

11.    Tender və yarışmaların keçirilməsi ilə bağlı elanların arxivi ilə bərabər yerdə qalan göstəricilər üzrə də bilgi verilməsi yaxşı olardı.

12.    Dövlət qurumunun norma- (qanun)yaratma fəaliyyəti barədə də bilgilərin əsk etdirilməsi faydalı olardı.

13.    Saytın texniki imkanları sırasına abunə imkanının da əlavə edilməsi gərəklidir.