Azərbaycan Respublikası Nəqliyyat Nazirliyinin www.mot.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Nəqliyyat Nazirliyinin www.mot.gov.az ünvanlı İnternet saytı, yuxarıdakı icmalda da qeyd etdiyimiz kimi, bir sıra göstəricilərinə görə heç minimal tələblərə də cavab vermir. Düzdür, bəzi bölmələr üzrə bilgilər bəzən tam olmasa da yetərli sayıla biləcək qədərdir. Ancaq bu heç də o demək deyil ki, bu saytın imkanları tələb olunan səviyyədədir. Gəlinən qənaət bundan ibarətdir ki, nazirliyin İnternet resursu ciddi şəkildə təkmilləşdirilməlidir və bunu nəzərə alaraq aşağıda bəzi tövsiyələrimizi diqqətə çatdırırıq:

1.    Qurum ilə bağlı informasiyalar  qurumun tarixini daha ayrıntılı şəkildə təqdim etməsi və rəhbərləri haqqında bilgi verməsi tövsiyəolunur.

2.    Ziyarətçilərin qurum ilə əks əlaqəsinin yaxşılaşdırılması üçün qurumun ünvanının marşrut və sxemi, quruma getmək üçün müxtəlif istiqamətlərdən gələn ictimai nəqliyyat barədə bilgilərin veriməsi yaxşı olardı.

3.    Qurumun strukturu haqqında bilgilər sırasına struktur bölmələrinin tam ünvanları və struktur bölmələrinin səlahiyyət çərçivələri haqqında informasiyaların verilməsi yaxşı olardı.  

4.    Rəhbər və rəhbər işçilər onlarla əks əlaqə baxımından isə struktur bölmələrinin rəhbərləri haqqında bioqrafik bilgilər və qurumun rəhbəri ilə əks əlaqə imkanlarının təqdim edilməsi zəruridir.  

5.    Qurumun cari fəaliyyəti haqqında təqdim informasiyalarla bərabər qurumdaxili əmr və qərarlar, onların reyestri haqqında bilgi verilməsi yaxşı olardı.

6.    Qurumun büdcəsi və onun icrası haqqında məlumat, büdcədənkənar daxilolmalar və onların istiqamətləri barədə informasiyaların təqdim edilməsi tövsiyə olunur.  

7.    Qurum tərəfindən təklif edilən xidmətlər haqqında isə təqdim edilməli bilgilər  əlavə xidmətlər, qaynar xətt və xidmətlərdən istifadə qaydaları barədədir.  

8.    Yaxşı olar ki, işə qəbul qaydaları və boş iş yerləri haqqında bilgilər saytda əks etdirilsin.

9.    Eyni tövsiyəni sahə işçilərinin əmək haqları barədə də demək olar.

10.    Vətəndaşların qəbul şərtləri və qəbul günləri (saatları) barədə təqdim edilmiş bilgilərə həmçinin vəzifəli şəxslər tərəfindən vətəndaşların qəbul norma və qaydaları, dövlət qurumunda vətəndaşların qəbul qaydalar barədə informasiyaların da daxil edilməsi tövsiyələr sırasındadır.

11.    Təqdim edilməsi gərəkli olan növbəti informasiya tender və yarışmaların keçirilməsi ilə bağlıdır.  

12.    Eyni tövsiyə qurumun norma- (qanun)yaratma fəaliyyəti barədə bilgilərə də şamil edilir.

13.    Saytın texniki imkanlarının yaxşı olması ilə bərabər çatışmayan abunə imkanı da təklif edilməsi yaxşı olardı.