Azərbaycan Respublikası İsmayıllı Rayon İcra Hakimiyyəti www.ismayilli-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası İsmayıllı Rayon İcra Hakimiyyəti www.ismayilli-ih.gov.az  domen adlı İnternet resursunda bəzi məlumatların zənginliyi ilə yanaşı gərəkli məlumatların da təqdim edilməsinə ehtiyac var. Saytın texniki imkanları yüksəkdir. Sadəcə saytda məlumatlar qarışıq şəkildə yer alır və ən əsası qurumun ünvanı barədə heç bir bilgi əldə etmək mümkün deyil. Onun üçün də aşağıdakı bəndlər üzrə təklif edəcəyimiz tövsiyələrin saytın daha da yaxşı hala gətirilməsi üçün kömək olacağını düşünürük.  

1.    Rayon haqqındakı bilgilər ətraflı şəkildə təqdim edildiyindən əlavə bir tövsiyə söylənilmir. Lakin qurum haqqında quruma daha öncə başçılıq etmiş şəxslər barədə, dövlət qulluqçusunun etik davranış  qaydaları haqqında AR  qanunu və icra aparatı haqqında bilgilərin isə əks etdirilməsi tövsiyə olunur.

2.    Ziyarətçilərin qurum ilə əks əlaqəsi baxımından həm ümumi bilgilərin (qurumun ünvanı, telefon və faks nömrələri, e-poçt ünvanı), həm də qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin təqdim edilməsi gərəklidir.  
3.    Qurumun strukturunun sxemi ilə yanaşı sözlü bilgilər, qurumun alt bölmələri və  yerli icra nümayəndəlikləri və struktur bölmələrinin səlahiyyət çərçivələri haqqında bilgilərin əks etdirilməsi zəruridir.   

4.    Rəhbər və rəhbər işçilər onlarla əks əlaqə baxımından təqdim edilmiş bilgilərlə yanaşı struktur bölmələrinin rəhbərləri haqqında bioqrafik bilgilərin və vətəndaşların müraciətlərinə baxılma qaydası haqqında bilgilərin təqdim edilməsinə ehtiyac var.

5.    Qurumun cari fəaliyyəti haqqında informasiyalar normaldır. Təqdim edilmiş informasiyalarla bərabər rayonun ictimai həyatı haqqında, qurumdaxili əmrlər, sərəncamlar və qərarlar, qurumun həyata keçirdiyi tədbirlər haqqında bilgilərin əks etdirilməsi yaxşı olardı.

6.    Yaxşı olardı ki, büdcə ilə bağlı məsələlər haqqında saytda bilgi verilsin.

7.    Eyni sözləri qurumun təklif etməli olduğu mütləq xidmətlər, qurum tərəfindən təklif edilən əlavə xidmətlər, elektron formada təklif olunan xidmətlər və xidmətlərdən istifadə qaydaları haqqında bilgilərə də şamil etmək mümkündür.

8.    Boş iş yerləri və işə qəbulla bağlı bilgilərin saytda yer alması tövsiyə olunur.  

9.    Sahə işçilərinin əmək haqları barədə məlumatların da verilməsi gərəklidir.

10.    Vətəndaşların qəbul şərtləri və qəbul günləri (saatları) haqqında bilgiləri olmaması təəccüb doğurducu haldır. Yaxşı olardı ki, vəzifəli şəxslər tərəfindən vətəndaşların qəbul norma və qaydaları barədə ümumi bilgi, qurumda vətəndaşların qəbul qaydaları və qurumun ayrı-ayrı vəzifəli şəxsləri tərəfindən vətəndaşların qəbul günləri və saatları barədə bilgilər təqdim edilsin.

11.    Tender və yarışmaların keçirilməsi ilə bağlı bütün mümkün qayda və elanlar haqqında bilgilərin əks etdirilməsi tövsiyələr sırasındadır.

12.    Saytın texniki imkanları sırasına həmçinin abunə imkanının da əlavə edilməsi faydalı olardı.