Azərbaycan Respublikasının Prezidenti Yanında Dövlət Qulluğu Məsələləri üzrə Komissiyanın www.dqmk.gov.az domen adlı İnternet saytının monitorinqi TÖVSİYƏLƏR

Azərbaycan Respublikasının Prezidenti Yanında Dövlət Qulluğu Məsələləri üzrə Komissiyanın www.dqmk.gov.az ünvanlı İnternet saytı, icmal hissədə də qeyd etdiyimiz kimi, ən iddialı saytlardan biridir. Təbii ki, bu durum istifadəçiləri sevindirməyə bilməz. Bu isə ondan xəbər verir ki, saytla bağlı elə də ciddi tövsiyələrə gərək yoxdur. Əlbəttə, bəzi bölmələr üzrə bilgilərin daha dolğun şəkildə təqdim edilməsinə gərək var. Ancaq texniki baxımdan saytda təkmilləşdirməyə gərək olduğunu söyləyə bilmərik. Ona görə də aşağıda bəzi tövsiyələrimizi təqdim edirik:

1.    Qurum ilə bağlı əks etdirilmiş bilgilər sırasına quruma daha öncə başçılıq etmiş şəxslər barədə bilgilərin də daxil edilməsi tövsiyə olunur.

2.    Ziyarətçilərin qurum ilə əlaqə saxlaması üçün təqdim edilmiş imkanlar sırasına quruma getmək üçün müxtəlif istiqamətlərdən gələn ictimai nəqliyyat barədə bilgilərin də əlavə edilməsi gərəklidir.  

3.    Qurumun strukturu barədə ətraflı şəkildə təqdim edilmiş bilgilər sırasında çatışmayan yeganə bilgi qurumun strukturunun sxemidir ki, onun da təqdim edilməsi yaxşı olardı.

4.    Rəhbər və rəhbər işçilər onlarla əks əlaqə baxımından isə bütün bilgilər tam şəkildə təqdim edildiyindən əlavə bir tövsiyə söylənilmir.  

5.    Növbəti tam və dolğun şəkildə təqdim edilmiş bilgilər qurumun cari fəaliyyəti haqqında olan bilgilərdir.

6.    Ümumi dövlət büdcəsinin quruma aid hissəsi və onun icrası barədə təqdim edilmiş bilgilərin isə yenilənməsi və ayrıntılı şəkildə təqdim edilməsi yaxşı olardı.  

7.    Dövlət qurumu tərəfindən təklif edilən xidmətlər haqqında bilgilər də tam və dolğundur. Bunun üçün də əlavə bir tövsiyə söylənilmir.

8.    İşə qəbul qaydaları və boş iş yerləri haqqında bilgiləri də bilgiləri də tam hesab etmək olar. Və tövsiyə yoxdur.

9.    Sahə işçilərinin əmək haqları barədə gərəkli olan bilgilər əks etdirildiyindən əlavə bir şərhə ehtiyac duyulmur.

10.    Vətəndaşların qəbul şərtləri və qəbul günləri (saatları) barədə isə təqdim edilmiş bilgilərlə bərabər yaxşı olardı ki, vəzifəli şəxslər tərəfindən vətəndaşların qəbul norma və qaydaları barədə ümumi bilgi və dövlət qurumunda vətəndaşların qəbul qaydaları barədə bilgilər də əks etdirilsin.

11.    Tender və yarışmaların keçirilməsi ilə bağlı qurum tərəfindən tender və yarışmaların keçirilmə qaydaları, tender və yarışmaların nəticələri, tender və yarışmaların nəticələri ilə bağlı mübahisələrin həlli qaydaları barədə bilgilərin verilməsi tövsiyə olunur.

12.    Dövlət qurumunun norma- (qanun)yaratma fəaliyyəti barədə isə bütün göstəricilər üzrə tam və ayrıntılı bilgi verilməlidir. Bu bilgilər qurumun cari norma- (qanun)yaratma fəaliyyəti, bütün mümkün normativ aktların layihələri, bu cür layihələrin müzakirəsində vətəndaşların iştirak şərtləri və qurumun norma- (qanun)yaratma fəaliyyəti ilə bağlı arxiv barədə olan bilgilərdir.

13.    Saytın texniki imkanları və informasiyaları mükəmməldir və əlavə tövsiyə yoxdur.