Azərbaycan Respublikası Laçın Rayon İcra Hakimiyyəti www.lachin-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

posted by

Azərbaycan Respublikası Laçın Rayon İcra Hakimiyyəti www.lachin-ih.gov.az domen adlı İnternet resursu icmaldan da göründüyü kimi bütün bilgilər yetərli şəkildə deyil. Burada təqdim edilmiş bilgilər çox bilgilərin çatışmamazlığını nəzərdən yayındırmağa yetmir. Təqdim edilməyən bilgilər isə ən çox gərəkli olan bilgilər sırasındadır. Bunun üçün də aşağıdakı bəndlər üzrə təklif edəcəyimiz tövsiyələr saytın dolğunlaşdırılması üçün nəzərdə tutulub.

1. Rayon haqqındakı bilgilər sırasına mədəniyyət və səhiyyə barədə bilgilərin də daxil edilməsi tövsiyə olunur. Qurum haqqında isə qurumun əsasnaməsinin və quruma daha öncə başçılıq etmiş şəxslər barədə bilgilərin verilməsi tövsiyə olunur.

2. Ziyarətçilərin qurum ilə əks əlaqəsinin yaxşılaşdırılması üçün isə ümumi imkanlarla yanaşı qurumun yerləşdiyi ünvanın sxemini, quruma başqa yerlərdən getmək üçün marşrut və ictimai nəqliyyat haqqında bilgiləri əks etdirilməsi tövsiyə olunur.

3. Qurumun strukturu barədə verilmiş bilgilərlə yanaşı struktur haqqında sözlü bilgilər, qurumun alt bölmələri və yerli icra nümayəndəlikləri, bələdiyyələr haqqında və struktur bölmələrinin səlahiyyət çərçivələri haqqında bilgilərin təqdim edilməsi yaxşı olardı.

4. Rəhbər və rəhbər işçilər onlarla əks əlaqə baxımından isə struktur bölmələrinin rəhbərləri haqqında bioqrafik bilgilərin, vətəndaşların müraciətlərinə baxılma qaydasının və rayondan seçilmiş millət vəkili haqqında məlumat və əlaqə imkanının təqdim edilməsinə gərək duyulur.

5. Qurumun cari fəaliyyəti haqqında informasiyalar operativdir və yüksək qiymətləndirilir Ancaq bu bölmənin tam halda olması üçün qurumdaxili əmrlər, sərəncamlar və qərarlar barədə bilgilərin də əlavə edilməsi gərəklidir.

6. Büdcə ilə bağlı məsələlər haqqında bilgilərin verilməsi yaxşı olardı.

7. Növbəti tövsiyə qurumun təklif etməli olduğu mütləq xidmətlər, qurum tərəfindən təklif edilən əlavə xidmətlər, elektron formada təklif olunan xidmətlər və xidmətlərdən istifadə qaydaları haqqında bilgilərin təqdim edilməsi barədədir.

8. Boş iş yerləri və işə qəbulla bağlı bilgilərin təqdim edilməsi lazımlıdır.

9.   Qurumun işçilərinin əmək haqları ilə bağlı bilgilərin təqdim edilməsi informasiya açıqlığı baxımından lazımlıdır.

10.    Vətəndaşların qəbul şərtləri və qəbul günləri (saatları) haqqında isə vəzifəli şəxslər tərəfindən vətəndaşların qəbul norma və qaydaları barədə ümumi bilgi və qurumda vətəndaşların qəbul qaydaları barədə bilgilərin əks etdirilməsi tövsiyə olunur.

11. Qurumda tenderlərin keçirilməsi ilə bağlı elanlar, qurum tərəfindən tender və yarışmaların keçirilmə qaydaları və dövlət orqanları tərəfindən tender və yarışmaların keçirilməsinin qaydaları ilə bağlı ümumi informasiyaların verilməsi tövsiyələr sırasındadır.

12. Saytın texniki imkanları normaldır. Sadəcə imkanlar sırasına abunə imkanının və onlayn müraciət formasını daxil edilməsi yaxşı olardı.