Azərbaycan Respublikası Masallı Rayon İcra Hakimiyyəti www.masalli-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Masallı Rayon İcra Hakimiyyəti www.masalli-ih.gov.az domen adlı İnternet resursu hazırkı vəziyyəti ilə də digər resurslardan fərqlənir. Ancaq bəzi məlumatların saytda əks etdirilməməsi sayt barədə çox da yüksək fikirlər söyləməyə imkan vermir. Saytın texniki imkanlarından əlverişli istifadə edərək saytı çox daha yaxşı vəziyyətə gətirmək mümkün olduğundan hər bir bənd üzrə tövsiyələrimizi aşağıda qeyd edirik.

1.    Rayon haqqında yetərli bilgilər təqdim edilir. Bunun üçün də heç bir tövsiyəyə gərək yoxdur. Qurum barədə isə dövlət qulluqçusunun etik davranış  qaydaları haqqında AR qanunu barədə və qurumun öncəki rəhbərləri haqqında bilgilərin təqdim edilməsi tövsiyə olunur.

2.    Ziyarətçilərin əks əlaqəsinin yaxşılaşdırılması baxımından ilk olaraq qurumun ünvanının, qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin əks etdirilməsi gərəklidir.

3.    Qurumun strukturu barədə verilmiş bilgilər sırasına qurumun strukturu haqqında sözlü bilgilər, qurumun alt bölmələri, struktur bölmələrinin səlahiyyət çərçivələri və bələdiyyələr haqqında bilgilərin də əlavə edilməsi tövsiyə olunur.     

4.    Rəhbər və rəhbər işçilər onlarla əks əlaqə baxımından isə rəhbərin müavinlərinin bioqrafiyaları, struktur bölmələrinin rəhbərləri haqqında bioqrafik bilgilər, qurumun rəhbəri ilə əks əlaqə imkanları və vətəndaşların müraciətlərinə baxılma qaydası barədə bilgilərin təqdim edilməsi yaxşı olardı.

5.    Qurumun cari fəaliyyəti haqqında əks etdirilmiş informasiyalarla yanaşı rayonda həyata keçirilən dövlət layihələri və proqramları haqqında və qurumdaxili əmrlər, sərəncamlar və qərarlar barədə bilgilər də təqdim edilməsi gərək olan bilgilərdəndir.

6.    Yaxşı olardı ki, büdcə ilə bağlı məsələlər haqqında saytda bilgi verilsin.

7.    Həmçinin qurumun təklif etməli olduğu mütləq xidmətlər, qurum tərəfindən təklif edilən əlavə xidmətlər, elektron formada təklif olunan xidmətlər və xidmətlərdən istifadə qaydaları haqqında bilgilərin də təqdim edilməsi tövsiyə olunur.   

8.    Boş iş yerləri və işə qəbulla bağlı qurum və onun struktur bölmələrinə işə qəbulun hüquqi bazası haqqında bilgi,  işə qəbulun norma və qaydaları, işə qəbulla bağlı mümkün komissiyalar haqqında bilgi, qurum və onun struktur bölmələrindəki mövcud boş iş yerləri haqqında elanlar barədə bilgilərin saytda yer alması yaxşı olardı.

9.    Sahə işçilərinin əmək haqları barədə bilgilərin işıqlandırılması tövsiyələr sırasındadır.

10.    Vətəndaşların qəbul şərtləri və qəbul günləri (saatları) haqqında qurumda vətəndaşların qəbul qaydaları və vəzifəli şəxslər tərəfindən vətəndaşların qəbul norma və qaydaları barədə ümumi bilgilərin təqdim edilməsi gərəklidir.

11.    Tender və yarışmaların keçirilməsi ilə bağlı elanlar, qurum tərəfindən tender və yarışmaların keçirilmə qaydaları və dövlət orqanları tərəfindən tender və yarışmaların keçirilməsinin qaydaları ilə bağlı ümumi informasiyaların təqdim edilməsi yaxşı olardı.

12.    Saytın texniki imkanları yaxşıdır. Sadəcə buraya abunə imkanının əlavə edilməsi tövsiyə olunur.